2021 جىلعى 1 ماۋسىمداعى مالىمەت بويىنشا، مۇگەدەكتىگىنە بايلانىستى مەملەكەتتىك الەۋمەتتىك جاردەماقى الۋشىلاردىڭ سانى 528 مىڭ ادام، اسىراۋشىسىنان ايىرىلۋ جاعدايى بويىنشا 171 مىڭ ادامعا جەتكەن.
2021 جىلعى قاڭتار-مامىر ايلارى ارالىعىندا رەسپۋبليكالىق بيۋدجەتتەن مۇگەدەكتىگىنە بايلانىستى مەملەكەتتىك الەۋمەتتىك جاردەماقى تولەۋگە 128،8 ملرد تەڭگە، اسىراۋشىسىنان ايىرىلۋ جاعدايىنا 34،4 ملرد تەڭگە بولىنگەن، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان (قازا تاپقان) اسىراۋشىسىنىڭ اسىراۋىنداعى ادامداردىڭ سانىنا، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
2021 جىلعى 1 ماۋسىمداعى جاعداي بويىنشا، مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 49 338 تەڭگە بولسا، اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 40 865 تەڭگە كولەمىندە.