ماماندار وقيعانىڭ سەبەبىن انىقتاپ جاتىر
الماتى قالاسىنىڭ اكىمى باقىتجان ساعىنتايەۆ 19 ماۋسىمدا سيرك عيماراتىنىڭ جانىندا بولعان وقىس وقيعاعا قاتىستى پىكىر ءبىلدىردى، دەپ حابارلايدى Almaty.tv.
قالا اكىمى بۇل تۋرالى Twitter-دەگى پاراقشاسىندا جازدى.
«سيركتەگى سۋبۇرقاقتا قىزدارعا جانە بىرەۋىنىڭ اناسىنا قاتىستى ورىن العان قايعىلى وقيعا پوليسيانىڭ تەرگەۋىندە. مۇنداي جاعداي بولماۋ كەرەك. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن»، – دەپ جازدى ب. ساعىنتايەۆ.
ەستەرىڭىزگە سالا كەتەيىك، 19 ماۋسىمدا ساعات 15-16 شاماسىندا قازاق مەملەكەتتىك سيركىنىڭ جانىنداعى سۋبۇرقاقتا ەلەكتر توگىنىڭ سوعۋىنان ءۇش ادام زارداپ شەككەن بولاتىن. اكىمدىكتە ماماندار وقيعانىڭ سەبەبىن انىقتاپ جاتقانىن اتاپ ءوتتى.
