قازاقستاندىقتاردىڭ 51،1 پايىزى، ChatGPT، Google Gemini، Midjourney جانە باسقا دا جاساندى ينتەللەكت قوسىمشالارىن قولدانادى. بۇل تۋرالى قازاقستاننىڭ ستراتەگيالىق زەرتتەۋلەر ينستيتۋتىنىڭ (قسزي) 2025 جىلعى الەۋمەتتانۋلىق ساۋالناماسىندا كورسەتىلگەن. زەرتتەۋ ناتيجەلەرى جي ءبىلىم الۋ مەن ءوزىن-وزى دامىتۋ قۇرالىنا اينالعانىن بايقاتادى، - دەپ حابارلايدى aqshamnews.kz ءتىلشىسى.
ساۋالناماعا سايكەس، ءجي-دى ەڭ بەلسەندى قولداناتىندار - جاستار.
-
18-29 جاس اراسىنداعى رەسپوندەنتتەردىڭ 76،2%-ى جاساندى ينتەللەكت سەرۆيستەرىن پايدالانادى.
-
30-45 جاستا بۇل كورسەتكىش 57،1%-عا تومەندەگەن.
-
46-60 جاس توبىندا - 37،5%،
-
61 جاستان اسقاندار اراسىندا نەبارى 16،6%.
جاستار ءجي-دى كوبىنە:
-
وقۋ ۇردىسىنە جانە ءوزىن-وزى دامىتۋ ءۇشىن،
-
ماتىندەرمەن جۇمىس ىستەۋ ءۇشىن قولدانادى.
ورتا جاستاعى قازاقستاندىقتاردىڭ نەگىزگى سۇرانىسى دا وسى باعىتتارعا جاقىن: ءبىلىم الۋ، كاسىبي جانە ماتىندىك تاپسىرمالاردى جەڭىلدەتۋ.
ال 61 جاستان اسقان ازاماتتار ءۇشىن جي باسىم تۇردە اقپارات ىزدەۋ قۇرالىنا اينالعان: بۇل توپتىڭ 40،8%-ى جاساندى ينتەللەكت سەرۆيستەرىن ەڭ الدىمەن قاراپايىم ىزدەۋ جۇيەسى رەتىندە قولداناتىنىن ايتقان.
ايەلدەر ەرلەرگە قاراعاندا سيفرلىق سەرۆيستەردى ءجيى قولدانادى. زەرتتەۋ گەندەرلىك ايىرماشىلىقتىڭ دا بار ەكەنىن كورسەتەدى:-
ايەلدەردىڭ 54،6%-ى،
-
ەرلەردىڭ 46،6%-ى جي سەرۆيستەرىن قولداناتىنىن ايتقان.
ءجي-دى قولدانۋ اۋقىمى كەڭەيگەن سايىن، ول قازاقستاندىقتاردىڭ كۇندەلىكتى ومىرىنە دە ەنىپ جاتىر:
-
ستۋدەنتتەر ءۇشىن ەمتيحانعا دايىندالاتىن، جوبالار جاسايتىن كومەكشى،
-
جاس ماماندار ءۇشىن ءماتىن جازاتىن، يدەيا ۇسىناتىن «ارىپتەس»،
-
اعا بۋىن ءۇشىن اقپاراتتى تەز تاباتىن ىڭعايلى قۇرال.
ساراپشىلاردىڭ پايىمداۋىنشا، الداعى جىلدارى ءجي-دىڭ ءرولى تەك كۇشەيە تۇسەدى، سوندىقتان سيفرلىق ساۋاتتىلىق پەن ءبىلىم دەڭگەيىن كوتەرۋ ەلدىڭ دامۋىنداعى ستراتەگيالىق مىندەتتەردىڭ ءبىرى بولىپ قالا بەرمەك.
ساۋالناما قسزي تاپسىرىسىمەن بيىل 3 قازان مەن 5 قاراشا ارالىعىندا جۇرگىزىلدى. وعان 8000 ادام قاتىسقان. زەرتتەۋگە 17 وبلىس پەن 3 رەسپۋبليكالىق ماڭىزى بار قالا - استانا، الماتى جانە شىمكەنتتىڭ 18 جاستان اسقان تۇرعىندارى قاتىستى.