قازاقستان-جاپونيا اراسىنداعى اۋەقاتىناسى قاشان اشىلاتىنى ايتىلدى، - دەپ حابارلايدى اlmaty-akshamy.kz.
قازاقستاندىق اۋەكومپانيالار 2025 جىلدىڭ ءبىرىنشى جارتىسىندا ەكى ەل اراسىندا تىكەلەي اۋەقاتىناسىن اشۋ مۇمكىندىگىن قاراستىرىپ جاتىر.
ق ر كولىك مينيسترلىگى ازاماتتىق اۆياسيا كوميتەتىنىڭ ءتوراعاسى سالتانات تومپييەۆانىڭ جاپونيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى يامادا دجۋن مىرزامەن كەزدەسۋى ءوتتى.
"كەزدەسۋ بارىسىندا تاراپتار قازاقستان مەن جاپونيا اراسىنداعى اۋەقاتىناسىن قالپىنا كەلتىرۋ ماسەلەسىن تالقىلادى. سالتانات تومپييەۆا قازاقستاندىق اۋەكومپانيالار 2025 جىلدىڭ ءبىرىنشى جارتىسىندا ەكى ەل اراسىندا تىكەلەي اۋەقاتىناسىن اشۋ مۇمكىندىگىن قاراستىرىپ جاتقانىن حابارلادى. يامادا مىرزا ءوز كەزەگىندە بۇل ماسەلەدە جان-جاقتى قولداۋ كورسەتۋگە دايىن ەكەنىن ءمالىم ەتتى"، - دەلىنگەن ۆەدومستۆو تاراتقان اقپاراتتا.
كەزدەسۋ قورىتىندىسى بويىنشا تاراپتار ەلدەر اراسىنداعى ەكونوميكالىق، ىسكەرلىك جانە مادەني ىنتىماقتاستىقتى كەڭەيتۋ ءۇشىن اۋە قاتىناسىن قالپىنا كەلتىرۋ بويىنشا بىرلەسكەن جۇمىستى جالعاستىرۋعا كەلىستى.