بۇل تۋرالى الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋ بارىسىندا ايتتى.
ناۋرىزباي اۋدانىندا سىرتقى جارىقتاندىرۋعا ەرەكشە نازار اۋدارىلۋدا. 2023 جىلى 59 كوشە ۇزىندىعى 43 شاقىرىم سىرتقى جارىقتاندىرۋمەن قامتاماسىز ەتىلدى. اۋداندارعا كوشە جارىعىنا قىزمەت كورسەتۋ بويىنشا بەرىلگەن فۋنكسيانى ەسكەرە وتىرىپ، وتىنىمدەردى پىسىقتاۋ ۋاقىتى ايتارلىقتاي قىسقاردى. سونىڭ ناتيجەسىندە 2023 جىلدىڭ سوڭعى 3 ايىندا عانا 17،6 شاقىرىم كابەلدىك جەلى اۋىستىرىلىپ، 1840 شام ورناتىلدى.
2024 جىلى تاعى 87 شاقىرىم اۋە جانە كابەلدىك جەلىلەردى جاڭعىرتۋدى، 3،5 مىڭ جارىقتاندىرۋ شامدارىن جانە 230 ساياباق شامدارىن اۋىستىرۋ جوسپارلانۋدا. بۇل ماقساتتارعا 1،1 ملرد. تەڭگە (2023 جىلى 559 ملن. تەڭگە) ءبولىندى.
سونىمەن قاتار، حالىق قاتىساتىن بيۋدجەت اياسىندا 2024 جىلدىڭ سوڭىنا دەيىن اۋدانداعى بارلىق جارىقسىز قالعان شاعىن كوشەلەردى جارىقتاندىرۋ جوسپارلانۋدا.