بۇل تۋرالى الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋ بارىسىندا ايتتى.
اۋداندى تۇراقتى جانە سەنىمدى ەنەرگيامەن قامتاماسىز ەتۋ كۇردەلى سىناق بولىپ تابىلادى. ناۋرىزباي اۋدانىنىڭ ەلەكتر جەلىلەرى وبلىستان قوسىلعاننان بەرى توزىعى جەتكەن.
- 2023 جىلى جەلىلەردى جاڭعىرتۋ اياسىندا اقجار، قاراعايلى، قۇرامىس، راحات، تاۋسامالى جانە شۇعىلا شاعىن اۋداندارىندا 23،2 شاقىرىم ەلەكتر جەلىسى مەن 2 ترانسفورماتورلىق قوسالقى ستانسيا اۋىستىرىلىپ، جوندەلدى.
- وسى جىلدىڭ ءساۋىر ايىنىڭ سوڭىنا دەيىن شۇعىلا شاعىن اۋدانىندا قوسىمشا كۇردەلى جانە ورتاشا جوندەۋمەن 3 شاقىرىم ەلەكتر بەرۋ جەلىلەرىن قامتۋ جانە 22 ترانسفورماتورلىق قوسالقى ستانسيا ورناتۋ جوسپارلانۋدا (جوبانى قارجىلاندىرۋ سوماسى 1،4 ملرد.تەڭگەنى قۇرايدى. مەردىگەر «ەنەردجي تاراز» ج ش س).
- 2024 جىلدىڭ سوڭىنا دەيىن قوسىمشا اعىمداعى جوندەۋ جۇمىستارىمەن 128 شاقىرىم ەلەكتر بەرۋ جەلىلەرىن جانە 19 ترانسفورماتورلىق قوسالقى ستانسيالارىن قامتۋ جوسپارلانۋدا.