مۇسىلمان زيراتتارىندا تازالىق جۇمىستارى وتەدى

زيرات ماڭايىن تازالاۋ - ىزگى امال.

قازاقستان مۇسىلماندارى ءدىني باسقارماسىنىڭ 2023 جىلعى ايتۋلى شارالار جوسپارىنا ساي، «وتكەنگە قۇرمەت – تىرىگە مىندەت» تاقىرىبىندا «QامQOR-SARAPAT» سالتتىق قىزمەت كورسەتۋ ورتالىعىنىڭ ۇيىمداستىرۋىمەن 29 ءساۋىر كۇنى ەلىمىزدىڭ بارلىق اۋماعىنداعى زيرات باسىنا تازالىق جۇمىستارىن جۇرگىزۋ جوسپارلانىپ وتىر، دەپ حابارلايدى Almaty-akshamy.kz قمدب باسپا ءسوز قىزمەتىنە سىلتەمە جاساپ.

مۇسىلمان ادام دۇنيەدە قانداي ءقادىرلى بولسا، ونىڭ ءقابىرىن اياقاستى ەتۋگە ەشكىمنىڭ قاقىسى جوق. ال مۇسىلمان زيراتىنىڭ ماڭايىن تازالاپ وتىرۋ - ءجاي عانا مىندەت ەمەس، ىزگى امال.

«اللا تاعالا قۇرانداعى «يسرا» سۇرەسىنىڭ، 70-اياتىندا: «راسىندا ادام بالاسىن ارداقتادىق» دەپ، ادامدى ءتىرى كۇنىندە دە، دۇنيە سالعاننان سوڭ دا قۇرمەتتەۋگە بۇيىرعان. اسىل ءدىنىمىز دۇنيەدەن قايتقان ادامدى سوڭعى ساپارىنا جۋىندىرىپ، ارۋلاپ اق ماتاعا وراپ، حوش ءيىس سەۋىپ، جانازاسىن وقىپ، قۇرمەتپەن جەر انا قويناۋىنا تاپسىرادى جانە ودان كەيىن دە دۇنيەدەن وتكەن ادامنىڭ ارى مەن ابىرويىن قۇرمەتتەۋگە ۇندەيدى. قايتىس بولعان ادامنىڭ ەسەپ-قيساپ بولاتىن قيامەتكە دەيىنگى ۋاقىتشا مەكەنى بولعان قابىرلەردى تازا ۇستاۋ – بارشامىز ءۇشىن قايىرلى ءىس سانالادى» دەيدى ۇيىمداستىرۋشىلار.

اتالمىش يگى ءىس-شاراعا قمدب-عا قاراستى 20 وكىلدىكتىڭ ءدىن قىزمەتكەرلەرى مەن ەرىكتى جاماعات، سونداي-اق جەرگىلىكتى اتقارۋشى ورگاندار مەن مەكەمەلەر دە قاتىسادى دەپ جوسپارلانۋدا.