قازاقستاندىق تۋريستەردىڭ ازەربايجانداعى شىعىندارى ءباا، تۇركيا جانە ۇلىبريتانيا قوناقتارىنىڭ شىعىنىنان اسىپ تۇسكەن، - دەپ حابارلايدى اqshamnews.kz ءتىلشىسى.
ازەربايجانداعى Mastercard مەنەدجەرى ەميل زەينالوۆتىڭ جەرگىلىكتى ب ا ق الدىندا بەرگەن مالىمەتىنە قاراعاندا، بيىل ەلگە 178 ەلدەن كەلگەن تۋريستەر كەلگەن. تۋريستەر سانى بويىنشا بەس ءىرى ەل قاتارىندا تۇركيا، ءباا، ۇلىبريتانيا، قازاقستان جانە ساۋد ارابياسى بار.
زەينالوۆ اتاپ وتكەندەي، قازاقستاندىق تۋريستەر پرەميۋم سەگمەنتكە جاتادى جانە ەڭ كوپ شىعىن جاسايدى.
ايتا كەتەيىك، ازەربايجان مەملەكەتتىك شەكارا قىزمەتىنىڭ مالىمەتىنە سايكەس، 2025 جىلدىڭ العاشقى جەتى ايىندا ەلگە شامامەن 1،5 ميلليون شەتەلدىك كەلگەن. ولاردىڭ ىشىندە 59 مىڭنان استامى – قازاقستان ازاماتتارى، بۇل – جالپى تۋريستەردىڭ شامامەن 4 پايىزى. بۇل كورسەتكىش بىلتىرعا قاراعاندا 20،6 پايىزعا جوعارى.
سونىمەن قاتار، بيىل جازدا الەۋمەتتىك جەلىلەردە قازاقستاندىقتاردىڭ باكۋدا دەمالىپ جۇرگەن ۆيدەولارى كوپ تارادى. #BakuIsCalling حەشتەگىمەن جاريالانعان ۆيدەولار ونداعان مىڭ قارالىم جيناپ، پايدالانۋشىلار قالا كورىكتى جەرلەرى مەن اتموسفەراسى تۋرالى اسەرلەرىن ءبولىستى.
جەرگىلىكتى تۇرعىندار قازاقستاندىق قوناقتارعا جىلى قاراعانىن دا اتاپ ءوتتى.