جاڭا تەتىك حالىقتىڭ پىكىرىن ەسكەرۋگە مۇمكىندىك بەرەدى.
ادىلەت مينيسترلىگىنىڭ رەسمي وكىلى تالعات ءۋاليدىڭ ايتۋىنشا، قازاقستاندىقتار Egov پورتالىنداعى «اشىق نقا» زاڭ جوبالارىنا ءوز ۇسىنىسىن ەنگىزە الادى، دەپ حابارلايدى Almaty-akshamy.kz
ەندى قۇجاتتاردى پورتالدا كورسەتكەندە نورماتيۆتىك قۇقىقتىق اكتىلەردىڭ (نقا) ستاتۋسىن كورسەتەتىن «جوبا» ارنايى باتىرماسى پايدا بولدى. بۇل ادىلەت مينيسترلىگى جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ بىرلەسكەن تەحنولوگيالىق شەشىمدەرىنىڭ ناتيجەسىندە ىسكە استى. وسىلايشا، قازاقستاندىقتار ەgov پورتالىنداعى «اشىق نقا» زاڭ جوبالارىنا ءوز ۇسىنىسىن ەنگىزە الادى، - دەدى تالعات ءۋالي.
ونىڭ ايتۋىنشا، بۇعان دەيىن «اشىق نقا» پورتالىندا اكىمشىلىك قۇقىقبۇزۋشىلىق تۋرالى كودەكستە جاريالانعان تۇزەتۋلەردە جىلدامدىق رەجيمىن اسىرعانى ءۇشىن ايىپپۇل مولشەرىن ۇلعايتۋ ۇسىنىلعان.
«الايدا حالىق بۇل ماسەلە حالىقپەن جەتكىلىكسىز دەڭگەيدە تالقىلانعاندىعى تۋرالى سىن ايتتى. وسىعان بايلانىستى پورتالعا جاڭا مۇمكىندىك ەنگىزىلدى»، - دەدى رەسمي وكىل.