قىتايداعى كومىر كەنىشىندەگى اپاتتان كوز جۇمعاندار سانى 6 ادامعا جەتتى.
جەرگىلىكتى تەلەارنانىڭ مالىمدەۋىنشە، تاعى 47 كىسى ءىز-تۇسسىز جوعالىپ كەتكەن. ىزدەۋ-قۇتقارۋ جۇمىسىنا 300 مامان مەن اۋىر تەحنيكالار جانە يتتەر تارتىلعان، دەپ حابارلايدى Almaty-akshamy.kz 24.kz-كە سىلتەمە جاساپ.
ىشكى موڭعوليا اۆتونومدى اۋدانىنداعى اپات 22 اقپاندا 80 مەتر تەرەڭدىكتە بولعان ەدى. پرەمەر-مينيستر لي كەسيان قايعىلى وقيعانىڭ سەبەبىن تەز ارادا انىقتاۋدى تاپسىردى. ايتا كەتەيىك، قىتايدا كومىر - ءالى كۇنگە دەيىن ەنەرگيانىڭ نەگىزگى كوزى دەپ سانالادى. ءبىراق كەنىشتەردەگى ءولىم-جىتىم الەم بويىنشا ەڭ جوعارى دەڭگەيدە.