ەل تاريحىندا العاش رەت جەتكىنشەكتەر مەن جاسوسپىرىمدەر اراسىندا سايىس بولماق.
بيىل 4-12 ناۋرىزدا بياتلوننان الەم چەمپيوناتى وتەدى، دەپ حابارلايدى Almaty-akshamy.kz
جارىستا 41 مەملەكەتتىڭ سپورتشىلارى كۇش سىناسادى. بۇل تۋرالى ورتالىق كوممۋنيكاسيالار قىزمەتى الاڭىندا وتكەن بريفينگتە سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سامات ەرعالييەۆ مالىمدەدى.
"الەم چەمپيوناتى اقمولا وبلىسىنىڭ بۋراباي قىسقى سپورت تۇرلەرىنەن وليمپيادالىق دايارلاۋ ورتالىعىنىڭ شاڭعى بياتلون ستاديونىندا وتەدى. بۋراباي وڭىرىنە الەمنەن شامامەن 800 جۋىق قوناق كەلەدى، ونىڭ ىشىندە 500-گە جۋىعى - سپورتشى. ەلىمىزدىڭ جەتكىنشەكتەر مەن جاسوسپىرىمدەر ۇلتتىق قۇراما كومانداسى اقپان ايىندا وتەتىن ق ر كۋبوگىنىڭ قورىتىندىسى بويىنشا جاساقتالادى"، - دەدى كوميتەت ءتوراعاسى.