بىلتىر سالىمشىلار مەن الۋشىلارعا 30،3 ملن قىزمەت كورسەتىلگەن.
ازاماتتار زەينەتاقى جيناقتارىنىڭ جاي-كۇيى تۋرالى اقپارات الۋعا كوبىرەك جۇگىنەدى، دەپ حابارلايدى Almaty-akshamy.kz
ونىڭ ىشىندە 20،9 ملن - ەلەكتروندى فورماتتا، 7،1 ملن - اۆتوماتتى رەجيمدە ىسكە اسىرىلدى.
«بجزق-نىڭ زەينەتاقى قىزمەتتەرىن قور كەڭسەسىنە كەلىپ، enpf.kz سايتى، بجزق/ەنپف ۇيالى قوسىمشاسى نەمەسە eGov. kz ەلەكتروندىق ۇكىمەت پورتالى ارقىلى كەز كەلگەن ىڭعايلى، تۇسىنىكتى جانە قولجەتىمدى فورماتتا الۋعا بولادى. بۇل رەتتە سالىمشىلار مەن الۋشىلار كوبىنە سيفرلاندىرۋعا باسىمدىق بەرەدى: قور قىزمەتتەرىنىڭ 93% جۋىعى حالىققا ونلاين نەمەسە اۆتوماتتى رەجيمدە كورسەتىلەدى. قازاقستاندىقتار زەينەتاقى جيناقتارىنىڭ جاي-كۇيى تۋرالى اقپارات الۋعا كوبىرەك جۇگىنەدى. 2022 جىلدىڭ 12 ايىندا جەكە زەينەتاقى شوتتارىنان 26،4 ملن-نان استام ءۇزىندى كوشىرمە بەرىلىپ، 20،8 ملن-نان استامى ەلەكتروندىق فورماتتا ۇسىنىلدى»، – دەلىنگەن قوردىڭ باسپا ءسوز قىزمەتى تاراتقان اقپاراتتا.