ورتالىق سايلاۋ كوميسسياسى الداعى ءماجىلىس پەن ءماسليحاتتار دەپۋتاتتارىنىڭ سايلاۋىندا مۇگەدەكتىگى بار ادامدارعا قولايلى جاعداي جاساۋعا باعىتتالعان قاۋلى قابىلدادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەرگىلىكتى اتقارۋشى ورگاندار سايلاۋ كوميسسيالارىنا مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋ جونىندەگى جۇمىستا جاردەمدەسۋگە مىندەتتى. كوميسسيا مۇگەدەكتىگى بار ازاماتتاردىڭ سايلاۋ قۇقىقتارىن ىسكە اسىرۋ بويىنشا قاجەتتى ءىس-شارالار قابىلدايدى. ورتالىق سايلاۋ كوميسسياسىنىڭ 2012 جىلعى قاۋلىسىمەن مۇگەدەكتىگى بار ادامداردىڭ داۋىس بەرۋى ءۇشىن ءۇي-جايلاردى جابدىقتاۋعا بەلگىلى ءبىر تالاپتار قاراستىرىلعان. وسك-نىڭ 2018 جىلعى قاۋلىسى مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋگە ۇسىنىمداردى بەكىتتى. مۇگەدەكتىگى بار ادامداردىڭ سايلاۋ قۇقىقتارىن ىسكە اسىرۋ نورمالارى كوزدەلگەن. 2017 جىلدان باستاپ وسك-نىڭ جانىندا مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبى بار. وتكەن جىلى قۇرامى كەڭەيتىلدى، قوسىمشا وڭىرلەردەن مۇگەدەكتىگى بار ادامداردىڭ قوعامدىق بىرلەستىكتەرىنىڭ وكىلدەرى ەنگىزىلدى. جاريالانعان سايلاۋ ناۋقانىندا ءبىز جۇمىس توبىنىڭ بەلسەندى كومەگىنە سەنەمىز. مۇگەدەكتىگى بار ادامداردى حاباردار ەتۋ تاسىلدەرىن ايقىنداۋ، قاجەتتى ادىستەمەلىك ماتەريالدار دايىنداۋ كەزىندە جۇمىس توبىنىڭ ساراپتامالىق قورىتىندىسى ءبىز ءۇشىن وتە ماڭىزدى»، - دەدى قاۋلى جوباسىن تانىستىرعان وسك مۇشەسى اناستاسيا ششەگورسوۆا.
ونىڭ اتاپ وتۋىنشە، ءماجىلىس پەن ءماسليحاتتار دەپۋتاتتارىن كەزەكتەن تىس سايلاۋىن ساپالى ۇيىمداستىرۋ ماقساتىندا ساياسي پارتيالار مەن وزگە قوعامدىق بىرلەستىكتەرگە مۇگەدەكتىگى بار ازاماتتاردىڭ ساياسي-قوعامدىق ومىرگە قاتىسۋىن قامتاماسىز ەتۋ ءۇشىن مىناداي ءىس-شارالاردى جۇزەگە اسىرۋى كەرەك.
«ءبىرىنشى، ءماسليحات دەپۋتاتتىعىنا كانديدات رەتىندە مۇگەدەكتىگى بار ازاماتتاردى ۇسىنۋ مۇمكىندىگىن قاراستىرۋدى، ەكىنشى، مۇگەدەكتىگى بار ادامدار ءۇشىن جاعدايلاردى ەسكەرە وتىرىپ، سايلاۋ الدىنداعى ۇگىت جۇرگىزۋ مۇمكىندىگىن كوزدەۋ ۇسىنىلادى. جەرگىلىكتى اتقارۋشى ورگاندارعا ەڭ الدىمەن داۋىس بەرۋ قۇقىعىن ىسكە اسىرۋ ءۇشىن سايلاۋ ۋچاسكەلەرىندە مۇگەدەكتىگى بار ادامدارعا جاعدايلاردى قامتاماسىز ەتۋ بويىنشا قاجەتتى ءىس-شارالاردى قابىلداسىن. ەكىنشى، مۇگەدەكتىگى بار ادام سانالاتىن سايلاۋشىلاردىڭ داۋىس بەرۋى ءۇشىن جاعدايلاردى قامتاماسىز ەتۋ جونىندەگى جۇمىستا سايلاۋ كوميسسيالارىنا كومەك كورسەتسىن. ءۇشىنشى، مۇگەدەكتىگى بار ادامداردىڭ قوعامدىق بىرلەستىكتەر وكىلدەرىنىڭ قاتىسۋىمەن مۇگەدەكتىگى بار ادامداردىڭ داۋىس بەرۋى ءۇشىن ۋچاسكەلەردىڭ قولجەتىمدىلىگىنە تەكسەرۋ جۇرگىزسىن. ءتورتىنشى، مۇگەدەكتىگى بار سايلاۋشىلاردىڭ داۋىس بەرۋگە ارنالعان ۋچاسكەلەردە ەرەكشە جاعدايلاردى قامتاماسىز ەتۋدىڭ قوسىمشا ءىس-شارالارىن كوزدەسىن»، - دەدى اناستاسيا ششەگورسوۆا.