اناسى ونى جۇكتىلىكتىڭ 25ء-شى اپتاسىندا دۇنيەگە اكەلگەن.
اق حالاتتىلار 107 كۇن بويى نارەستەنىڭ ءومىرى ءۇشىن كۇرەستى. نارەستە ءبىر اي بويى وكپەنى جاساندى جەلدەتۋ اپپاراتىندا جاتقان. بالا شالا تۋعاندىقتان، رەتينوپاتيا دەرتى انىقتالعان. وفتالمولوگتار دەرەۋ وپەراسيا جاساپ، ول ءساتتى ءوتتى، دەپ حابارلايدى Almaty-akshamy.kz
دارىگەرلەردىڭ ايتۋىنشا، بۇگىنگى تاڭدا ءسابيدىڭ جاعدايى قاناعاتتانارلىق، وزدىگىنەن ەمەدى، سالماعى 2700 گراممعا جەتكەن.
«ومىرىنە ەشقانداي ءقاۋىپ جوق. ءوزى دەمالادى، ءوزى ەمەدى، جەتىلۋى قالىپتى. ەگەر ايەلدىڭ دەنساۋلىعىندا اۋىتقۋلار بولسا، ينفەكسيالار بولسا، ول دا بالانىڭ دامۋىنا اسەر ەتەدى. بىلتىرعى ەسەپتەۋىمىز بويىنشا ەكسترەمالدى تومەن سالماقپەن 63 بالا شىعارىلدى. جالپى تۇسكەن بالا سانى – 93»، - دەيدى پەريناتولوگيا جانە بالالار كارديوحيرۋرگيا ورتالىعىنىڭ ءبولىم مەڭگەرۋشىسى اقمارال بەكايدىروۆا.