البانيادا وتكەن اۋىر اتلەتيكادان جاستار اراسىنداعى الەم چەمپيوناتىندا قازاقستاندىق سپورتشىلار 7 التىن، 2 كۇمىس جانە 1 قولا مەدال جەڭىپ الدى.
وسىلايشا، قازاقستان مەدالداردىڭ جالپى سانى بويىنشا 1ء-شى ورىنعا يە بولدى، دەپ حابارلايدى Almaty-akshamy،kz Egemen.kz-كە سىلتەمە جاساپ.
ەڭ جوعارى دارەجەلى مەدالداردى 73 كەلى سالماقتا ونەر كورسەتكەن ەراسىل ساۋلەبەكوۆ پەن 102 كەلىگە دەيىنگى سالماقتا ەشكىمگە تەڭ كەلمەگەن نيكيتا ءابدىراحمانوۆ جەڭىپ الدى. ەكى سپورتشى دا جۇلقا كوتەرۋدە، سەرپە كوتەرۋدە جانە جالپى ەسەپتە التىننان القا تاقتى. نۇردوس سابىر (89 كەلىگە دەيىن) مەن تايسيا الەكسەيەۆا (64 كەلىگە دەيىن) كۇمىس مەدال جەڭىپ الدى.
«مەن جىگىتتەردى جانە بارشا قازاقستاندىق جانكۇيەرلەردى وسى جەتىستىكپەن قۇتتىقتايمىن. جاس زىلتەمىرشىلەرىمىزگە الداعى ۋاقىتتا دا تابىستار مەن جارقىن جاڭا جەڭىستەر تىلەيمىن. ۇلتتىق اۋىر اتلەتيكا مەكتەبى قازاقستانعا جاڭا چەمپيونداردى سىيلاپ كەلە جاتقان جاتتىقتىرۋشىلارعا ەرەكشە العىس ايتامىز»، - دەپ جازدى مينيستر.