جاقىن ارادا ءوندىرىستى سۋبسيديالاۋ ارتادى.
كەلەسى اپتادا، 11 ساۋىردە قازاقستاننان رەسەيگە جۇمىرتقا ەكسپورتتاۋعا تىيىم سالۋدى تولىعىمەن الىپ تاستاۋ جوسپارلانۋدا، دەپ حابارلايدى Almaty-akshamy.kz ەldala.kz سىلتەمە جاساپ.
شەكتەۋلەر 2021 جىلى ق ر ءتورت وبلىسى بويىنشا جەكە اۋلالاردا تىركەلگەن قۇس تۇماۋى جاعدايلارىنا بايلانىستى ەنگىزىلگەن بولاتىن.
«كەشە رەسەي تاراپىمەن كەلىسسوزدەر جۇرگىزىلدى. كارانتين الىنىپ تاستالدى، ءقازىر ءبىز، رەسەي مەن قازاقستاننىڭ ۋاكىلەتتى ورگاندارى، كەپىلدىك حاتتارمەن الماسىپ جاتىرمىز. دۇيسەنبىدەن باستاپ بارلىق شەكتەۋلەر الىنىپ تاستالادى»، - دەدى وكق بريفينگىندە اشم ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى اسقار جاقىپبايەۆ.
اۋىل شارۋاشىلىعى مينيسترلىگىنىڭ دەرەكتەرى بويىنشا، قازىرگى ۋاقىتتا قازاقستاننىڭ قۇس فابريكالارى جۇمىرتقاعا ىشكى قاجەتتىلىكتى 110% - عا قامتاماسىز ەتەدى (2020 جىلى قۇس تۇماۋى تۇتانۋىنا دەيىن قامتاماسىز ەتۋ 120% بولعان).
قۇس وسىرۋشىلەردى قولداۋ ءۇشىن ازىق-تۇلىك كورپوراسياسى فابريكالارعا جەمدىك استىقتى 115-117 تەڭگە/توننا باعاسىمەن بەرەدى. سونىمەن قاتار، جاقىن ارادا ءوندىرىستى سۋبسيديالاۋ ارتادى.
«بيىل ءبىز جۇمىرتقانى سۋبسيديالاۋعا ورالۋ تۋرالى شەشىم قابىلدادىق. 2020 جىلى ول قۇس فابريكاسىنىڭ قۋاتىنا بايلانىستى 1،5 تەڭگەدەن 3 تەڭگەگە دەيىن بولدى. وتكەن جىلى سۋبسيديانىڭ ەڭ جوعارى سوماسى 1،5 تەڭگەگە دەيىن تومەندەتىلدى. بيىلعى جىلى دا قۇس شارۋاشىلىعىنىڭ جۇمىرتقا باعىتىنداعى تاۋارلىق-سپەسيفيكالىق سۋبسيديادان باس تارتۋ جوسپارلارى بولدى. ءبىراق، قيىن جاعدايدى، بارلىق قۇرامداستاردىڭ، ازىقتاردىڭ ءوسۋىن ەسكەرە وتىرىپ، قۇس فابريكاسىنىڭ كولەمىنە قاراماستان، ساۋىردەن باستاپ جۇمىرتقاعا 3 تەڭگە مولشەرىندە سۋبسيديانى قايتارۋ تۋرالى شەشىم قابىلداندى. ءقازىر ەرەجەگە ءتيىستى وزگەرىستەر كەلىسۋ راسىمىنەن ءوتىپ جاتىر، ولار ءبىر اي ىشىندە قابىلدانادى جانە وسى سۋبسيديانى تولەۋ باستالادى»، - دەدى اۋىل شارۋاشىلىعى ءمينيسترى ەربول قاراشوكەيەۆ.