تەننيستەن قازاقستان كومانداسى تاريحتا العاش رەت چەحياداعى جاسوسپىرىمدەر اراسىنداعى الەم چەمپيوناتىنىڭ جارتىلاي فينالىنا شىقتى. ول سلوۆەنيانى 2:0 ەسەبىمەن جەڭدى.
كوماندا كاپيتانى سەرگەي كۆاك باستاپقى ويىنعا تاعى دا دانيەل تازابەكوۆتى قويدى جانە ول كەزەكتى رەت سەنىمدى اقتادى، دەپ حابارلايدى Almaty-akshamy.kz ۇلتتىق وليمپيادا كوميتەتىنىڭ سايتىنا سىلتەمە جاساپ.
سۆيت سۋليچكە قارسى ويىندا دانيەل سالقىنقاندىلىق تانىتتى. ءبىرىنشى سەت 4:6 ەسەپ ۇتىلعانىنا قاراماستان، ەكىنشى پارتيادا تازابەكوۆ تەز ارادا ويىنعا قايتا ورالىپ، تاي-برەيكتە قارسىلاسىن قىسپاققا الدى ەسەپ- 7:6 (8:6).
شەشۋشى ءۇشىنشى پارتيادا دانيەل بىردەن 4:1 ەسەبىمەن الدا بولدى. التىنشى گەيمدە سپورتشى سۋليچ مەديسينالىق تايم-اۋت ۋاقىتىن الدى. كەيىن جاس قازاقستاندىق ءوز شابۋىلىن جالعاستىرىپ، ويىندى 6:2-گە سەنىمدى جەتكىزدى.
ودان كەيىن الاڭعا ءوز قۇرامالارىنىڭ العاشقى نومىرلەرى – زاڭعار نۇرلان ۇلى مەن جيگا شەشكو شىقتى. ءبىرىنشى سەت زانگاردا قالدى-6: 4. ەكىنشى پارتيانىڭ باسىندا قارسىلاستار برەيكتەرمەن الماستى، ءبىراق شەشكونىڭ كۇشى ءسال سايابىرلادى، كەيىن زانگار سەتتى سەنىمدى تۇردە، ال ودان كەيىن ماچتى – 6:4، 6:3. ەسەبىمەن جەڭدى.
بۇگىن، 5 تامىزدا الەم چەمپيوناتىنىڭ جارتىلاي فينالىندا ءبىزدىڭ جاسوسپىرىمدەر گەرمانيا قۇراماسىمەن تالاسادى.