دەمالىس كۇندەرى ەلىمىزدىڭ باسىم بولىگىندە سىناپ باعانالارى 37 گرادۋسقا دەيىن كوتەرىلەدى.
"قازگيدرومەت" الداعى دەمالىس كۇندەرگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
الداعى كۇندەرى، قازاقستاننىڭ باتىسى مەن سولتۇستىك-باتىسىندا جاۋىن-شاشىنسىز اۋا رايى كۇتىلەدى. ەلدىڭ قالعان بولىگىندە ۇزاق ۋاقىت بويى اۋا-رايىن، وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىمدەر انىقتايدى. مۇندا جاڭبىرلى اۋا رايى بولجانادى. نايزاعاي، ەكپىندى جەلمەن قىسقا مەرزىمدى جاڭبىر جاۋادى.
رەسپۋبليكانىڭ ورتالىعىندا، سولتۇستىگىندە، وڭتۇستىگىندە جانە وڭتۇستىك-شىعىسىندا قاتتى جاڭبىر، بۇرشاق، قاتتى جەل بولۋى مۇمكىن. تەمپەراتۋرالىق فون ەرەكشە وزگەرىستەرگە ۇشىرامايدى. كۇندىز باتىستا +30 +37°س، وڭتۇستىك-باتىستا +27 +37°س، سولتۇستىك-باتىستا +27 +35°س، سولتۇستىكتە، شىعىستا +22 +30°س، ورتالىقتا +20 +28°س، وڭتۇستىكتە، وڭتۇستىك-باتىستا، ەلدىڭ شىعىسىندا +30 +35°س، ال تاۋلى ايماقتاردا +25°س شاماسىندا ىستىق بولجانادى.