قازاقستاندىق ميحايل كۋكۋشكين مەن بەيبىت جۋكايەۆ چەللەندجەر تۋرنيرلەرىن جەڭىسپەن باستادى.
قازاقستان تەننيس فەدەراسياسى جازعانداي، كۋكۋشكين حەلسينكيدە ىرىكتەۋ سايىستارىنان كەيىن نەگىزگى جارىستىڭ العاشقى اينالىمىندا يتاليالىق ستەفانو تراۆاليامەن شەبەرلىك بايقاستى، دەپ حابارلايدى Almaty-akshamy.kz.
قازاقستاندىق تەننيسشى قارسىلاسىن 6:2، 6:4 ەسەبىمەن ۇتىپ، ەكىنشى اينالىمعا شىقتى. ميحايل شيرەك فينالعا شىعۋ ءۇشىن رەسەيلىك ەۆگەنيي كارلوۆسكييمەن تالاسادى.
ال جۋكايەۆ جاپونيانىڭ كوبە قالاسىندا باستاپقى كەزدەسۋىن ءساتتى وتكىزدى. بەيبىت كورت يەسى يۋچي سۋگيتانى 4:6، 6:4، 6:4 ەسەبىمەن تىزە بۇكتىردى. قازاقستاندىق تەننيسشى باسەكە بارىسىندا 24 ەيس جاساپ، كوزگە ءتۇستى. ول ەكىنشى اينالىمدا الەمنىڭ 84-راكەتكاسى، دودانىڭ ءبىرىنشى راكەتكاسى، اۋستراليالىق كريستوفەر و'كوننەلمەن كەزدەسەدى.