ۇكىمەتتىڭ 2022 جىلعى 11 قاراشاداعى قاۋلىسىمەن ۇكىمەت قۇرىلىمىنا كىرەتىن كەيبىر مەملەكەتتىك ورگانداردى ۆەدومستۆولىق ناگرادالارمەن ماراپاتتاۋ قاعيدالارىنا وزگەرىستەر مەن تولىقتىرۋلار ەنگىزىلدى، دەپ حابارلايدى Almaty-akshamy.kz.
اتاپ ايتقاندا، ءۇش جاڭا توسبەلگى قوسىلدى:
- «ۇزدىك سيفرلاندىرۋشى»
اتالعان توسبەلگىمەن قىزمەتتە جوعارى ناتيجەلەرگە قول جەتكىزگەن، مىندەتتەرىن ادال ورىنداعان، سيفرلاندىرۋ سالاسىندا 15 جانە ودان دا كوپ جىل ەڭبەك ەتكەن جۇمىسكەرلەر ماراپاتتالادى. سونداي-اق ايرىقشا جاعدايلاردا سيفرلاندىرۋ سالاسىنا ايرىقشا ەڭبەك سىڭىرگەن باسقا سالا وكىلدەرى دە ماراپاتتالادى.
- «احمەت بايتۇرسىن ۇلى»
بۇل توسبەلگىمەن گۋمانيتارلىق سالانىڭ وكىلدەرى، قازاق ءتىلىنىڭ مارتەبەسىن كوتەرۋدە شىعارماشىلىق بەلسەندىلىك تانىتقان تۇلعالار، قازاق ءتىلىن وقىتۋ بويىنشا IT جوبالاردىڭ جەتەكشىلەرى، سونداي-اق گۋمانيتارلىق سالاداعى ىنتىماقتاستىقتى نىعايتۋعا جانە دامىتۋعا ەلەۋلى ۇلەس قوسقان شەتەل ازاماتتارى ماراپاتتالادى.
- «ەڭبەك سىڭىرگەن ساۋداگەر»
ءۇشىنشى جاڭا توسبەلگىمەن 10 جىل جۇمىس ءوتىلى بار ساۋدا سالاسىنداعى قىزمەتكەرلەر جانە قىزمەتتە جوعارى ناتيجەلەرگە قول جەتكىزگەن ازاماتتار، سونداي-اق ساۋدانى دامىتۋعا ەلەۋلى ۇلەس قوسقان وزگە دە تۇلعالار ماراپاتتالادى.
قاۋلى 2022 جىلعى 15 قاراشادان باستاپ قولدانىسقا ەنگىزىلەدى.