قازاقستاندىق تەننيسشىلەر الەم چەمپيوناتىنىڭ ىرىكتەۋ سايىسىنىڭ شيرەك فينالىنا ءوتتى

قازاقستان جاسوسپىرىمدەر قۇراماسى ءۇندىستاننىڭ نيۋ-دەلي قالاسىندا ءوتىپ جاتقان Bille Jean King Cup by BNP Paribas (الەم چەمپيوناتى) ىرىكتەۋ سايىسىنىڭ شيرەك فينالىنا شىقتى

جارىستىڭ ەكىنشى كۇنى قازاقستاندىقتار D توبىندا ۆەتنام قۇراماسىن ويسىراتا ۇتتى، دەپ حابارلايدى Almaty-akshamy.kz Olympic.kz-كە سىلتەمە جاساپ.

ءبىرىنشى بولىپ اسىلجان ارىستانبەكوۆا نگو حونگپەن شەبەرلىك بايقاستى. توعىزىنشى گەيمدە قازاقستاندىق تەننيسشى برەيك جاساپ، سوسىن سەتكە دوپ بەرگەندە، ءوز مۇمكىندىگىن ءمۇلت جىبەرگەن جوق – 6:4. ەكىنشى سەتتە اسىلجان قارسىلاسىنا ءبىر عانا گەيم ۇستاتتى – 6:1. ەكىنشى ماچتا اييا نۇپباي حۋنح نگوكتى تاس-تالقان ەتىپ جەڭدى – 6:0، 6:3. سودان كەيىن ا.ارىستانبەكوۆا كارينا جۇمادجانوۆامەن بىرگە جۇپتىق سىندا 1 ساعات 45 مينۋتتا نگو حونگ پەن حۋنح نگوكتى تىزە بۇكتىردى – 6:4، 4:6، 10:5.

وسىلايشا ۆەتنام قۇراماسىن 3:0 ەسەبىمەن ۇتقان قازاقستاندىق قىزدار مەرزىمىنەن بۇرىن ىرىكتەۋ سايىستارىنىڭ شيرەك فينالىنا جولداما الدى. ەرتەڭ قازاقستان قۇراماسى سينگاپۋرمەن وينايدى. بۇل ماچ ەل قۇراماسى ءۇشىن ەشتەڭە شەشپەيدى. شيرەك فينال جەرەبەسى ەرتەڭ كەشكە تارتىلادى. فينالدىق كەزەڭگە تەك ءۇش كوماندا عانا جولداما الادى.