قولىمىزدا بار اگروتەحنولوگيالاردى ءتيىمدى پايدالانۋ قاجەت - ق ر اشم ءمينيسترى
ق ر اۋىل شارۋاشىلىعى ءمينيسترى ەربول قاراشوكەيەۆ قازاقستاندىق ونىمدەرگە، اتاپ ايتقاندا، كۇنباعىس تۇقىمدارى، ۇن، بيداي مەن مايلى داقىلدارعا ەكسپورتتىق سۇرانىس وسەتىنىن ايتتى، دەپ حابارلايدى Almaty-akshamy.kz
«ءبىز ءقازىر كۇنباعىس تۇقىمىنا، مايلى داقىلدارعا، بيداي، ۇن جانە وسى ونىمدەردى وڭدەۋدىڭ بارلىق سپەكترىنە سۇرانىس ارتادى دەپ بولجاي الامىز. ءبىزدىڭ مىندەتىمىز - بۇل سۇرانىسقا دايىن بولۋ جانە الدىمەن قازاقستاندىقتاردىڭ جەكە قاجەتتىلىگىن قاناعاتتاندىرىپ، ارتىعىن ەكسپورتقا شىعارۋ ماقساتىندا ارەكەت ەتۋ»، - دەدى ەربول قاراشوكەيەۆ.
ءمينيستردىڭ ايتۋىنشا، ازىق-تۇلىكتىڭ بارلىق ءتۇرى، سونىڭ ىشىندە كۇنباعىس مايى مەن ۇن دا ءبىرشاما قىمباتتادى.
«ءبىز بارلىق القاپتاردى بارىنشا ەگىپ، جاقسى ءونىم الۋىمىز كەرەك. قولىمىزدا بار اگروتەحنولوگيالاردى ءتيىمدى پايدالانۋ قاجەت»، - دەدى مينيستر.