ءابدىرالى بولەباي باقيلىق بولدى
راديو جانە تەليەۆيزيا سالاسىنىڭ ارداگەرى، بەلگىلى ديكتور ءابدىرالى بولەباي 70 جاسقا قاراعان شاعىندا دۇنيەدەن ءوتتى، دەپ حابارلايدى Almaty-akshamy.kz Qazradio.fm سايتىنا سىلتەمە جاساپ.
ءابدىرالى بولەباي جامبىل وبلىسى جامبىل اۋدانىنىڭ ەرنازار اۋىلىندا دۇنيەگە كەلگەن.
الماتىداعى №46 قالالىق كاسىپتىك تەحنيكالىق ۋچيليششەنى، قۇرمانعازى اتىنداعى كونسەرۆاتوريانى بىتىرگەن.
1983 جىلى ماسكەۋ قالاسىنداعى بۇكىلوداقتىق تەلەديدار جانە راديو قىزمەتكەرلەرىنىڭ ءبىلىمىن جەتىلدىرۋ ينستيتۋتىنان ءدارىس الدى.
ەڭبەك جولىن "قازاقفيلم" كينوستۋدياسىندا رەجيسسەردىڭ كومەكشىسى بولىپ باستادى.
1977 جىلى قازاقستان كاسىپوداقتارى جانىنداعى رەسپۋبليكالىق كوركەمونەرپازدار ۇيىندە مەتوديست؛
1978 جىلى قازاق راديوسىنىڭ ديكتورى؛
1985 جىلى قازاق تەلەديدارىندا ديكتور؛
1992-96 جىلدارى ديكتورلار توبىنىڭ جەتەكشىسى؛
1996 جىلى "حابار" اگەنتتىگىندە "جەتى كۇن" اقپاراتتى ساراپتاۋ باعدارلاماسى جانە "جاڭالىقتار" قىزمەتىنىڭ جۇرگىزۋشىسى؛
2000 جىلى "قازاقستان" ۇلتتىق ارناسىنىڭ استانا فيليالىندا ديكتور؛
2002 جىلى ق ر پرەزيدەنتىنىن تەلەراديوكەشەنىندە پروديۋسەر؛
2004 جىلى ق ر ەكونوميكالىق قىلمىسقا جانە سىبايلاس جەمكورلىققا قارسى كۇرەس اگەنتتىگى (قارجى پوليسياسى) باسپا ءسوز حاتشىسى بولىپ قىزمەت اتقارادى. ءابدىرالى بولەباي ءومىرىنىڭ سوڭىندا دەيىن قازاق راديوسىندا ديكتورلىق قىزمەت اتقاردى.
«ول تەلەراديودا ديكتورلىق ونەردىڭ قىر-سىرىن تەرەڭ مەڭگەرگەن، داۋىس ءۇنى وزگەشە، شەبەرلىگى تولىسقان بىلىكتى مامان. ونىڭ وقىعان تەلەراديوحابارلارىنان وزگەشە ءبىر تىنىس، كەڭ اۋقىم، بيازىلىق پەن پاراساتتىلىق لەبى ەسەدى. جىلى ءجۇزدى، جايدارلى، قاراپايىم. ءابدىرالى اعامىزدىڭ التىن داۋىسى قازاق راديوسىنىڭ «التىن قورىندا» ساقتاۋلى. وتباسى مەن تۋعان-تۋىستارىنا قايعىرىپ كوڭىل ايتامىز»، - دەدى راديودان.