قازاقستاندىق تەننيسشى الەمدىك دودانىڭ جارتىلاي فينالىندا
قازاقستاندىق بەيبىت جۋكايەۆ مىسىردا ءوتىپ جاتقان ITF World Tennis Tour M25 ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz
قازاقستان تەننيس فەدەراسياسى ءمالىم ەتكەنىندەي، ب.جۋكايەۆ شيرەك فينالدا ۋكراينالىق گەورگيي كراۆچەنكومەن كەزدەستى. قازاقستاندىق تەننيسشى قارسىلاسىن 6:3، 6:4 ەسەبىمەن ۇتتى.
ب.جۋكايەۆ 1 ساعات 22 مينۋتقا سوزىلعان كەزدەسۋدە 8 ەيس جاساپ، 7 برەيك-پوينتتىڭ ەكەۋىن پايدالانا ءبىلدى. بەيبىت فينالعا شىعۋ ءۇشىن چەحيالىق لۋكاش روسول نەمەسە بەلارۋس وكىلى ۆلاديمير يگناتيكتىڭ بىرەۋىمەن تالاسادى. ب.جۋكايەۆ جۇپتىق سىندا رەسەيلىك اليبەك كاچمازوۆپەن بىرگە بۇگىن جارتىلاي فينالدا كورتقا شىعادى.