ءقازىر ەرەجەنىڭ جوباسى تالقىلانىپ جاتىر.
تۇرعىن ءۇي جالداۋ سۋبسيدياسىن تولەۋ ەرەجەلەرىن مامىر ايىندا بەكىتىپ، ىسكە قوسۋ جوسپارلانعان، دەپ حابارلايدى Almaty-akshamy.kz
تۇرعىن ءۇي جالداۋ سۋبسيدياسىن الۋعا ءوتىنىش بەرۋشىلەردىڭ نەسيە تاريحى تەكسەرىلمەيدى. بۇل تۋرالى «حابار» تەلەارناسىنداعى «بۇگىن» باعدارلاماسىندا بەلگىلى بولدى.
«ءوتىنىش بەرۋشىلەرگە تولەم قابىلەتىن راستاۋ كەرەك. «باسپانا ماركەت» پورتالىنا ءوتىنىم بەرگەننەن كەيىن تولەم قابىلەتىن بانك اۆتوماتتى تۇردە ەسەپتەيدى. ياعني، دەرەككقورلاردان بۇكىل اقپارات الىنادى. ونىڭ ىشىندە ءسىزدىڭ ايلىعىڭىز، بارلىق تولەمدەرىڭىز، ەڭبەك دەمالىسىنىڭ وتەماقىسى بولسا، سونىڭ ءبارى كىرەدى. كاسىپكەر رەتىندە تىركەلگەن بولساڭىز، كاسىپكەرلىك تابىسىڭىز كىرەدى. سول وتباسى الاتىن زەينەتاقى مەن الەۋمەتتىك تولەمدەر دە تولەم قابىلەتى رەتىندە ەسەپكە الىنادى. وسى تابىستىڭ ءبارىن جان باسىنا شاعىپ، 6 ايدىڭ ىشىندەگى تابىسىن ەسەپتەيدى»، - دەدى «وتباسى بانك» اكسيونەرلىك قوعامى ورتالىق فيليالىنىڭ ديرەكتورى جانسۇلتان ماتاي.
باعدارلاما بارىسىندا «تۇرعىن ءۇي جالداۋ سۋبسيدياسىن العىسى كەلەتىن وتباسىنىڭ نەسيە تاريحى جاعىمسىز بولسا، نە ىستەۋ كەرەك؟» دەگەن ساۋال قويىلدى. «نەسيە تاريحى قارالمايدى»، - دەپ قىسقا قايىردى جانسۇلتان ماتاي.
ايتا كەتەيىك، تۇرعىن ءۇي جالداۋ سۋبسيدياسىن تولەۋ ەرەجەلەرىن مامىر ايىندا بەكىتىپ، ىسكە قوسۋ جوسپارلانعان. ءقازىر ەرەجەنىڭ جوباسى تالقىلانىپ جاتىر.