گوزال اينيتدينوۆا الەمدىك رەيتينگىدە 434-ورىندا كەلەدى.
قازاقستاندىق گوزال اينيتدينوۆا جۇپتىق سىندا ءۇندىستاندا ءوتىپ جاتقان ITF W25 جارىسىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسىنان ءمالىم ەتكەنىندەي، گوزال ءۇندىستاندىق زيل دەسايمەن بىرگە شيرەك فينالدا تايلاندتىقتار لۋكسيكا كۋمحۋم - پەانگتارن پليپۋەكپەن ويناۋى كەرەك ەدى.
ايتسە دە ولار كورتقا شىقپاي قالدى.
العاشقى اينالىمدا ءقازاقستاندىق-ۇندىستاندىق جۇپ جەرگىلىكتى تەننيسشىلەردى تىزە بۇكتىردى - 6:1، 6:0.
گ.اينيتدينوۆا مەن ز.دەسايدىڭ جارتىلاي فينالداعى قارسىلاستارى كەيىن انىقتالادى.
قازاقستاندىق تەننيسشى الەمدىك رەيتينگىدە 434-ورىندا كەلەدى.
ەسكە سالا كەتەيىك، بۇدان بۇرىن الەكساندر بۋبليكتىڭ يستبورن ءتۋرنيرىنىڭ شيرەك فينالىنا وتكەنىن جازعان بولاتىنبىز. سونداي-اق قازاقستاندىق تەننيسشى سەربياداعى شيرەك فينالعا شىقتى.