اي-92 جانە اي-93 ماركالى بەنزينگە شەكتى باعا بەلگىلەۋ جوسپارلانۋدا.
ەنەرگەتيكا مينيسترلىگى باعانى مەملەكەتتىك رەتتەۋ بەلگىلەنگەن مۇناي ونىمدەرىن بولشەك ساۋدادا وتكىزۋدىڭ شەكتى باعالارىنا وزگەرىستەر ەنگىزىلەتىن بۇيرىق جوباسىن دايىندادى، دەپ حابارلايدى Almaty-akshamy.kz Egemen.kz سىلتەمە جاساپ.
ماسەلەن، اي-92 جانە اي-93 ماركالى بەنزينگە شەكتى باعا بەلگىلەۋ جوسپارلانۋدا:
- قوستاناي، سولتۇستىك قازاقستان وبلىستارىندا - ليترىنە 187 تەڭگە؛
- نۇر-سۇلتان، الماتى، شىمكەنت قالالارىندا، اقمولا، اقتوبە، شىعىس قازاقستان، باتىس قازاقستان، الماتى، اتىراۋ، جامبىل، قاراعاندى، قىزىلوردا، پاۆلودار، تۇركىستان، ماڭعىستاۋ وبلىستارىندا، سونداي-اق اباي، جەتىسۋ، ۇلىتاۋ وبلىستارىندا - ليترىنە 182 تەڭگە.
ءقازىر اتالعان ماركالى بەنزيننىڭ شەكتى باعاسى ەلىمىزدىڭ بارلىق وڭىرلەرىندە 182 تەڭگەگە بەلگىلەنگەن.
ەنەرگەتيكا مينيسترلىگى تۇسىندىرگەندەي، قوستاناي جانە سولتۇستىك قازاقستان وبلىستارى ءۇشىن اي-92 جانە اي-93 ماركالى بەنزينگە 5 تەڭگە/ليترگە باعانىڭ ءوسۋى ۇسىنىلادى، سەبەبى وپەراسيالىق (لوگيستيكالىق) شىعىنداردىڭ دەڭگەيى بولشەك ساتۋشىلاردىڭ مۇناي ونىمدەرىن ءوندىرۋشى زاۋىتتاردان قاشىقتىعىنا بايلانىستى قازاقستاننىڭ باسقا وبلىستارىنا قاراعاندا جوعارى.
مۇنداي باعالاردى 180 كۇنتىزبەلىك كۇنگە بەلگىلەۋ جوسپارلانۋدا.
ديزەل وتىنىنىڭ باعاسى (جازعى، ماۋسىمارالىق) وزگەرىسسىز قالادى:
- اقمولا، اقتوبە، شىعىس قازاقستان، باتىس قازاقستان، قوستاناي، سولتۇستىك قازاقستان وبلىستارىندا، سونداي-اق اباي وبلىسىندا - ليترىنە 260 تەڭگە؛
- نۇر-سۇلتان، الماتى، شىمكەنت قالالارىندا، الماتى، اتىراۋ، جامبىل، قاراعاندى، قىزىلوردا، پاۆلودار، تۇركىستان، ماڭعىستاۋ وبلىستارىندا، سونداي – اق جەتىسۋ، ۇلىتاۋ وبلىستارىندا-ليترىنە 230 تەڭگە.
قۇجات 8 شىلدەگە دەيىن اشىق نقا سايتىندا ورنالاستىرىلعان.