قازاقستاندىق تەننيسشى ارۋجان ساعىندىقوۆا WTA جاڭارتىلعان رەيتينگىندەگى ورنى كوتەرىلدى.
بۇل تۋرالى Sports.kz مالىمدەدى، دەپ حابارلايدى Almaty-akshamy.kz.
18 جاستاعى قازاقستان تەننيسشىسى وتكەن اپتا قورىتىندىسى بويىنشا رەيتينگتە 76 ساتىعا جوعارىلاپ، ەندى 746-ورىندا تۇر. ساعىندىقوۆا ءبىر اي ىشىندە 310 ساتىعا كوتەرىلگەنىن ايتا كەتەيىك، جاقىندا عانا ول 1056-قاتاردا تۇرعان بولاتىن.
قازاقستاننىڭ ەكىنشى راكەتكاسى يۋليا پۋتينسيەۆا دا WTA رەيتينگىندەگى ورنىن جاقسارتتى. ول 81-دەن 73-ورىنعا كوتەرىلدى. سونداي-اق جەكەلەي رەيتينگتە تاعى ءبىر قازاقستاندىق تەننيسشى – جانەل رۇستەموۆانىڭ ورنى جوعارىلادى (1381-ورىن، +8 ساتى).