الماتى مارافونى - ورتالىق ازياداعى ەڭ ءىرى جارىس، بيىل 1 قازاندا ون ەكىنشى رەت وتەدى. الماتى مارافونى AIMS حالىقارالىق جارىستار مەن جۇگىرۋلەر قاۋىمداستىعىنا كىرەدى، مارافون تراسساسى World Athletics ستاندارتىنا سايكەس سەرتيفيكاتتالعان. بيىل جارىسقا الەمنىڭ تۇكپىر-تۇكپىرىنەن كەلگەن 15 000 سپورتشى قاتىسادى، دەپ حابارلايدى almaty-akshamy.kz
مارافونعا 15 جاستان اسقان تىلەك بىلدىرۋشىلەر 42،2 شاقىرىم، 21،1 شاقىرىم، 10 شاقىرىم، 10 شاقىرىم سكانديناۆيالىق جۇرىسكە جانە ەكيدەن كوماندالىق ەستافەتاسىنا قاتىسۋعا بولادى. سورە مەن مارە رەسپۋبليكا الاڭىندا جوسپارلانعان. مارەگە جەتكەن قاتىسۋشىلار مارەشىنىڭ ەستەلىك مەدالىن الادى. سونىمەن قاتار، ەرلەر مەن ايەلدەر اراسىنداعى جاس ساناتتارىنداعى ۇزدىك ۇشتىك مەدالمەن، گراموتامەن جانە اقشالاي سىيلىقپەن ماراپاتتالادى. 21،1 شاقىرىم جانە 42،2 شاقىرىم ءابسوليۋتتى جەڭىمپازداردا اقشالاي سىيلىق بەرىلەدى.
ءداستۇرلى ءىس-شارا اياقتالعاننان كەيىن جينالعان قاراجاتتىڭ ءبىر بولىگى قايىرىمدىلىق جوبالاردى قولداۋعا جىبەرىلەدى. 2022 جىلى قاسكەلەڭ مەن تالعارداعى مۇگەدەكتىگى بار بالالارعا ارنالعان ەكى مەكتەپ-ينتەرناتقا، «سولنىشكو» بالالار ءۇيى مەن «Rehab Team» وڭالتۋ ورتالىعىنا سپورت نىساندارىن سالىپ، قاجەتتى جابدىقتاردى ساتىپ الۋعا 45 500 000 تەڭگە ءبولىندى. بۇعان قوسا، «وديننادسات درۋزەي ماكسيما» كومانداسىنا «Flying Start racing Wheelchair» ون جارىس ارباسى تابىستالدى.
الماتى مارافونىنىڭ ۇيىمداستىرۋشىلارى: «ءبىرىنشى بولۋ – باتىلدىق» كورپوراتيۆتىك قورى، «World Class Almaty» فيتنەس-كلۋبى، اكادەميك ش.ەسەنوۆ اتىنداعى ءعىلىمي-بىلىم بەرۋ قورى جانە الماتى قالاسى اكىمدىگىنىڭ قولداۋىمەن #سەنىڭجاڭاقىرىڭ مۋلتيسپورتتىق Youtube-ارناسى.
مارافونعا قاتىسۋ ءۇشىن almaty-marathon.kz سايتىنا تىركەلىپ، قاتىسۋ اقىسىن تولەۋ قاجەت. قازىرگى ۋاقىتتا 21،1 كم، 42،2 كم قاشىقتىققا، سكانديناۆيالىق ءجۇرىس پەن ەكيدەن ەستافەتاسىنە تىركەلۋگە بولادى.
مارافوندى وتكىزۋگە بايلانىستى 1 قازاندا ساعات 7:00 - دەن 13: 30-عا دەيىن جارىس وتەتىن جەرلەردە جولداردا كولىك قوزعالىسى ءىشىنارا جابىلاتىن بولادى. جول قيىلىستارى تۋرالى وزەكتى اقپاراتتى الماتى جولى تەلەگرام-كانالىنان https://t.me/AlmatyJoly جانە قالانىڭ رەسمي Instagram پاراقشاسىندا https://www.instagram.com/akimat_almaty/) كورۋگە بولادى.