الەمدىك رەيتينگىدە بەسىنشى ساتىدا تۇرعان قازاقستاندىق تەننيسشى ەلەنا رىباكينا الەمنىڭ ءبىرىنشى راكەتكاسى بەلورۋس ارينا سوبولەنكونى جەڭدى.
كەزدەسۋ ەر-ريادتاعى (ساۋد ارابياسى) WTA 2024 قورىتىندى ءتۋرنيرى اياسىندا ءوتتى.
ماچ قورىتىندىسى — 6:4، 3:6، 6:1، دەپ حابارلايدى aqshamnews.kz.
كەزدەسۋ 1 ساعات 41 مينۋتقا سوزىلدى. رىباكينا ءوزى ەسەبىنە التى ەيس جازىپ، ەكى قوسارلانعان قاتەلىك جاسادى جانە جەتى برەيك-پوينتتىڭ بەسەۋىن جۇزەگە اسىردى.
سوبولەنكو ءتورت ەيستى ورىنداپ، ءتورت قوسارلانعان قاتەلىككە بوي الدىرىپ، جەتى برەيك-پوينتتىڭ ۇشەۋىن جۇزەگە اسىردى.
وسى جەڭىسىنە قاراماستان، رىباكينا ءتۋرنيردى جالعاستىرا المايدى. سەبەبى بۇعان دەيىنگى توپتا ول ەكى رەت جەڭىلدى. سوبولەنكو، كەرىسىنشە، العاشقى ەكى ويىنىن جەڭىسپەن اياقتاپ، جارتىلاي فينالعا جولداما الدى.