قازاقستاندىق الەكساندر نەدوۆەسوۆ جۇپتىق سىندا ۋيمبلدون ءتۋرنيرىنىڭ ەكىنشى اينالىمىنا شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاندىق تەننيسشى پاكىستاندىق ايسام كۋرەشيمەن بىرگە باستاپقى كەزدەسۋىن اۋستراليالىق دجەيمس داكۆورت – امەريكالىق ماركوس حيرونمەن وتكىزدى. قازاقستاندىق-پاكستاندىق جۇپ قارسىلاستارىنان 6:3، 6:7 (10:12)، 6:1، 6:2 ەسەبىمەن باسىم ءتۇستى.
ەكى جارىم ساعاتقا جۋىق ۋاقىتقا سوزىلعان تارتىستى ماچ بارىسىندا نەدوۆەسوۆ پەن كۋرەشي 7 ەيس جاساپ، 11 برەيك-پوينتتىڭ بەسەۋىن پايدالاندى. ولار ءۇشىنشى اينالىمعا شىعۋ ءۇشىن برازيليالىق رافاەل ماتوس – يسپانيالىق داۆيد ۆەگا-ەرناندەسپەن تالاسادى. تاعى ءبىر قازاقستاندىق اندرەي گولۋبيەۆ ۋكراينالىق دەنيس مولچانوۆپەن بىرگە العاشقى اينالىمدا يسپانيالىق پەدرو مارتينەس پورتەرو – اۋستراليالىق دجون-پاتريك سميتكە ەسە جىبەرىپ، جارىس جولىنان شىعىپ قالدى – 3:6، 6:7 (1:7)، 4:6. ەسكە سالا كەتەيىك، بۇدان بۇرىن ەلەنا رىباكينانىڭ ەكىنشى اينالىمعا وتكەنىن، الەمدە ەيس جاساۋدان كوش باستاپ كەلە جاتقانىن جازعان بولاتىنبىز.
سونداي-اق الەكساندر بۋبليك ۋيمبلدون ءتۋرنيرىنىڭ ءۇشىنشى اينالىمىنا شىقتى.