الماتى وبلىسىندا 154 مۇمكىندىگى شەكتەۋلى ازامات مەملەكەتتەن تيەسىلى كومەكتى الماعان، دەپ حابارلايدى Almaty-akshamy.kz Inform.kz-كە سىلتەمە جاساپ.
قاراساي اۋدانى پروكۋراتۋراسى جۇرگىزگەن تالداۋ كەزىندە وسىنداي فاكتىلەر انىقتالدى. اتاپ ايتقاندا، 141 كامەلەتكە تولماعان بالا ارنايى وقۋ باعدارلاماسىمەن عانا ءبىلىم الۋعا مۇقتاجدىعىنا قاراماستان، جەرگىلىكتى اتقارۋشى ورگان تاراپىنان وسى بالالار نازاردان تىس قالىپ، ءبىلىم الۋ قۇقىعىنان ايىرىلعان. زاڭناما تالاپتارىنا سايكەس جەرگiلiكتi مەملەكەتتiك باسقارۋ ورگاندارى مۇگەدەكتەردi وڭالتۋدىڭ جەكە باعدارلاماسىنا سايكەس مۇگەدەكتەردiڭ جانە مۇگەدەك بالالاردىڭ ساناتوريي-كۋرورتتىق ەمدەلۋiن قامتاماسىز ەتەتىنى ايقىندالعان. الايدا، 51 مۇگەدەك ساناتورلىق-كۋرورتتىق ەمدەۋگە جولدانباعان.
«101 مۇگەدەككە زاڭنامامەن كەپىلدەنگەن پروتەزدiك-ورتوپەديالىق كومەكپەن، تەحنيكالىق، ارناۋلى ءجۇرiپ-تۇرۋ قۇرالدارىمەن قامتاماسىز ەتiلمەگەن. ونىڭ ىشىندە 13 مۇمكىندىگى شەكتەلگەن ءجاسوسپىرىمدى اۋداندىق مەمورگاندار ەستۋ قۇرالدارىمەن جابدىقتاماعان. قاراساي اۋدانى كولەمىندە 5 مىڭنان اسا ارنايى كومەك تالاپ ەتەتىن ازامات بار ەكەندىگىن اتاپ ءوتۋ قاجەت. وسى تۇرعىنداردىڭ قۇقىعىن قورعاۋ ءۇشىن پروكۋرورلىق قاداعالاۋ اكتىسى ەنگىزىلىپ، كىنالىلەر اكىمشىلىك جانە تارتىپتىك جاۋاپكەرشىلىككە تارتىلدى»،- دەلىنگەن قاراساي اۋدانى پروكۋراتۋراسىنىڭ حابارلاماسىندا.