تۋريزم سالاسىنداعى رەفورمالار قالالاردى اباتتاندىرۋدى جەتىستىككە جەتۋدىڭ نەگىزگى فاكتورلارى سانالادى
ازەربايجان استاناسىندا وتكەن يسلام ىنتىماقتاستىعى ۇيىمىنىڭ (يىۇ) XI سەسسياسىندا حيۋا قالاسىن يسلام الەمى ءتۋريزمىنىڭ 2024 جىلعى استاناسى دەپ جاريالاۋ تۋرالى شەشىم قابىلداندى، دەپ حابارلايدى Almaty-akshamy.kz Inform.kz-كە سىلتەمە جاساپ.
ۆەدومستۆونىڭ حابارلاۋىنشا، يىۇ مۇشەلەرى تۋريزم سالاسىندا جۇرگىزىلگەن رەفورمالار – ۆيزالىق رەجيمدى جەڭىلدەتۋ، مادەني مۇرانى ساقتاۋ جانە تاريحي قالالاردى اباتتاندىرۋدى جەتىستىككە جەتۋدىڭ نەگىزگى فاكتورلارى رەتىندە مويىندادى.
«يسلام الەمى ءتۋريزمىنىڭ استاناسى جىلى اياسىندا حيۋادا يىۇ-ىنا مۇشە 57 ەلدىڭ تۋريزم مينيسترلەرى مەن تۋريستىك اكىمشىلىكتەرى باسشىلارىنىڭ وتىرىسى، ءتۋريزمنىڭ الەۋەتىن اشاتىن عىلىمي كونفەرەنسيالار، پراكتيكالىق سەمينارلار، فوتوكورمەلەر، ارت-ەكسپوزيسيالار ۇيىمداستىرىلىپ، جوعارى دەڭگەيدە وتكىزىلەدى»، – دەپ اتاپ ءوتتى وزبەكستان دەلەگاسياسىنىڭ باسشىسى، پرەمەر-مينيستردىڭ ورىنباسارى، تۋريزم جانە مادەني مۇرا ءمينيسترى ازيز ابدۋحاكيموۆ.
يسلام الەمىنىڭ تۋريستىك استاناسى اتاعىنا 5 قالا ۇمىتكەر بولدى: ابۋ-دابي (ءباا)، شانليۋرفا (تۇركيا)، لاگوس (نيگەريا)، دۋشانبە (تاجىكستان) جانە حيۋا (وزبەكستان). بۇعان دەيىن تۇركيانىڭ شانلىۋرفا قالاسى يسلام ەلدەرىنىڭ 2023 جىلعى تۋريستىك ورتالىعى اتالعانىن حابارلاعان بولاتىنبىز.