قازاقستاننىڭ ءبىرىنشى، الەمنىڭ 33-راكەتكاسى الەكساندر بۋبليك ينديان-ۋەللس ماستەرس ءتۋرنيرىنىڭ ءۇشىنشى اينالىمىنا شىقتى.
جۇلدە قورى 8،5 اقش دوللارىنان اساتىن جارىستىڭ 31-راكەتكاسى بولىپ تىركەلگەن الەكساندر بۋبليك دودانى ەكىنشى اينالىمنان باستاپ، كەزىندە رەيتينگتە كوش باستاعان «ۇلكەن دۋلىعا» ءتۋرنيرىنىڭ ءۇش مارتە، ەكى دۇركىن وليمپيادا چەمپيونى، ۇلىبريتانيالىق ەندي ماررەيمەن كەزدەستى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
بيىل الەكساندر بۋبليك روتتەردامدا ەندي ماررەيدەن جەڭىلىپ قالعان بولاتىن. بۇل جولى ەكى ساعاتقا جۋىق ۋاقىتقا سوزىلعان تارتىستى باسەكەدە قازاقستاندىق تەننيسشى قازىرگى كەزدە رەيتينگتە 88-ورىندا تۇرعان اتاقتى قارسىلاسىن 7:6 (11:9)، 6:3 ەسەبىمەن ۇتتى. الەكساندر ماچ بارىسىندا 11 ەيس جاساپ، 5 برەيك-پوينتتىڭ بىرەۋىن پايدالاندى. ەندي ماررەي 4 ەيسپەن شەكتەلدى.
بۋبليك ءۇشىنشى اينالىمدا الەمنىڭ 35-راكەتكاسى، بولگاريالىق گريگور ديميتروۆ نەمەسە رەيتينگتە 78-ساتىداعى اۋستراليالىق دجوردان تومپسوننىڭ بىرەۋىمەن تالاسادى.