ءتارتىپ ساقشىلارى براكونەرلەردەن 87 كەلى سازان بالىعىن تاركىلەگەن.
پوليسەيلەر بالقاش-الاكول باسسەينىنىڭ ينسپەكتورلارىمەن بىرلەسىپ، 11 ناۋرىزدا سوربۇلاق سۋ قويماسىندا زاڭسىز بالىق اۋلاعان ەكى براكونەردى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كۇدىكتىلەر ىلە اۋدانىنىڭ تۇرعىندارى بولىپ شىقتى. ولاردان رەزەڭكە قايىق، بالىق اۋلاۋ تورلارى جانە 87 كەلى سازان بالىعى تاركىلەندى. كەلتىرىلگەن زالال شامامەن 520 مىڭ تەڭگەنى قۇرادى.
اتالعان فاكتى بويىنشا ق ر قىلمىستىق كودەكسىنىڭ 335-بابىمەن (بالىق رەسۋرستارىن زاڭسىز ءوندىرۋ) قاراستىرىلعان قىلمىستىق ءىس قوزعالدى.