بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى.
داعدارىسقا قارسى جەدەل شتابتىڭ كەزەكتى وتىرىسىندا دارى-دارمەكپەن قامتاماسىز ەتۋ جانە كولىك ماسەلەلەرى قارالدى، دەپ حابارلايدى Almaty-akshamy.kz
ۇكىمەت ۇيىندە ق ر پرەمەر-مينيسترى ءاليحان سمايىلوۆتىڭ توراعالىعىمەن داعدارىسقا قارسى شارالار جونىندەگى جەدەل شتابتىڭ كەزەكتى وتىرىسى ءوتتى.
ۇكىمەتتىڭ Telegram پاراقشاسى ءمالىم ەتكەندەي، دەنساۋلىق ساقتاۋ ءمينيسترى ا.عينيات دارى-دارمەكپەن قامتاماسىز ەتۋ تۋرالى اقپارات بەردى.
«ءقازىر رەسپۋبليكانىڭ 8 وڭىرىندە - الماتى قالاسى، شىعىس قازاقستان، سولتۇستىك قازاقستان، الماتى، پاۆلودار، قوستاناي، اقمولا، تۇركىستان وبلىستارىندا 5 ملرد تەڭگەدەن استام سوماعا دارىلىك زاتتاردى تۇراقتاندىرۋ قورلارى جۇمىس ىستەيدى»، — دەدى ا. عينيات.
قالعان 9 ءوڭىر بويىنشا ءىرى كوتەرمە ءدارىحانا قويمالارىندا دارىلىك زاتتار قورى جاسالعان. ۆەدومستۆو باسشىسى دارى-دارمەكپەن قامتاماسىز ەتۋ ماسەلەلەرى ەرەكشە باقىلاۋدا ەكەنىن حابارلادى.