ارنايى ءىس-شارالار كەشەنى ەنگىزىلدى.
سۋ باسۋ ءقاۋپى بار ايماقتاردان ادامداردى ەۆاكۋاسيالاۋ ءۇشىن 1،6 مىڭنان استام تەمىرجول ۆاگونى دايىندالدى. بۇل تۋرالى ق ر ۇكىمەتى وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ مالىمدەدى، دەپ حابارلايدى Almaty-akshamy.kz.
«سۋ تاسقىنى ءقاۋپىنىڭ ۋاقتىلى الدىن الۋ جانە جويۋ، سونداي-اق پويىزداردىڭ ۇزدىكسىز جانە ءقاۋىپسىز قوزعالىسىن قامتاماسىز ەتۋ ماقساتىندا ق ر ييدم تەمىر جولداردى سۋ تاسقىنى كەزەڭىنە دايىنداۋ بويىنشا جۇمىستار جۇرگىزۋدە. اتاپ ايتقاندا، «قتج» ۇك بۇيرىعىمەن جولدار مەن جول بويىنداعى تەمىرجول نىساندارىن قورعاۋ بويىنشا ارنايى ءىس-شارالار كەشەنى ەنگىزىلدى»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
قازىرگى ۋاقىتتا كوپىرلەر، قۇبىرلار مەن درەناجدىق قۇدىقتاردىڭ تەسىكتەرىن قار مەن مۇزدان تازارتۋ، سونداي-اق تاۋ جانە سۋ بۇرعىش ارىقتاردى، ناۋالار مەن كيۋۆەتتەردى اشۋ بويىنشا دايىندىق جۇمىستارى جۇرگىزىلۋدە. ماماندار سۋ قويمالارى مەن اگروتەحنيكالىق بوگەتتەردىڭ جاي-كۇيىن تەكسەرەدى، تج بويىنشا وبلىستىق بولىمشەلەرمەن ءوزارا ءىس-قيمىل الگوريتمدەرى پىسىقتالدى.
«وتكەن جىلداردىڭ تاجىريبەسىن تالداۋ ناتيجەلەرى بويىنشا ەلىمىزدىڭ بارلىق وڭىرلەرىندە 673 ءقاۋىپتى ورىنداردىڭ تىزبەسى انىقتالدى، ولاردى اينالىپ ءوتۋ جولدارى ۇيىمداستىرىلدى. جاۋاپتى تۇلعالار تاۋلىك بويى كەزەكشىلىك ەتەدى. تاسقىن سۋ وتكەن جاعدايدا سۋ باسۋ ايماعىنان ازاماتتاردى ەۆاكۋاسيالاۋ ءۇشىن لوكوموتيۆتەر جانە 1،6 مىڭنان استام ۆاگون دايىندالدى. ارنايى تەحنيكالار – كراندار، تراكتورلار مەن بۋلدوزەرلەر، 84 قالپىنا كەلتىرۋ جانە ءورت ءسوندىرۋ پويىزدارىنىڭ دايىندىعى تۇراقتى»، - دەپ حابارلادى ق.وسكەنبايەۆ.
ءمينيستردىڭ اقپاراتى بويىنشا، جولدار مەن تەمىرجول قۇرىلىستارىن قورعاۋ ءۇشىن 2 550 تەكشە مەتر كەسەك تاس جانە 9 مىڭ كونديسيالىق ەمەس تەمىر-بەتون شپالدارى دايىندالعان. تەحنيكا مەن ماتەريالداردىڭ دايىندىعى 100% قۇرايدى.