دونەسك جانە لۋگانسك حالىق رەسپۋبليكالارىنداعى جاعدايدىڭ ۋشىعۋىنا بايلانىستى قازاقستاندىقتاردى ۋكراينادان ەۆاكۋاسيالاۋ جولدارى قاراستىرىلىپ جاتىر.
بۇل تۋرالى ق ر سىرتقى ىستەر ءمينيسترى مۇحتار تىلەۋبەردى ايتتى، دەپ حابارلايدى Almaty-akshamy.kz
«ءبىزدىڭ كييەۆتەگى ەلشىلىك ءقازىر تولىق جۇمىس ىستەيدى. بۇل ۋكرايناداعى ءبىزدىڭ ازاماتتارىمىزبەن بايلانىستى. ارينە، ولاردى ەۆاكۋاسيالاۋ جولدارى قاراستىرىلادى. سوندىقتان قانداي دا ءبىر سوعىس قيمىلدارى بولعان جاعدايدا، قازاقستان ازاماتتارى كييەۆتەگى ەلشىلىگىمىزبەن شۇعىل بايلانىسا الادى»، - دەدى ق ر سىرتقى ىستەر ءمينيسترى.
ونىڭ ايتۋىنشا، قازىرگى ۋاقىتتا قازاقستاندىق ديپلوماتتار ۋكراينادا ورنالاسقان.
«ۋكراينادا ءبىزدىڭ ديپلوماتتار ءالى دە بار. سوعىس جاعدايىندا ءبىزدىڭ ۆەدومستۆو ەۆاكۋاسيالاۋ جوسپارلارىن جۇزەگە اسىراتىن بولادى»، - دەپ قوستى مۇحتار تىلەۋبەردى.
ول سونداي-اق قازاقستاندا دونەسك جانە لۋگانسك حالىق رەسپۋبليكالارىن تانۋ تۋرالى ماسەلە كوتەرىلمەگەنىن حابارلادى. قازاقستاننىڭ تۇپكىلىكتى ۇستانىمى قاۋىپسىزدىك كەڭەسىنىڭ وتىرىسىندا قابىلدانادى.