ۋكرايناداعى جاعدايلارعا بايلانىستى قازاقستاننىڭ ودان ءارى الەۋمەتتىك-ەكونوميكالىق دامۋ ماسەلەلەرى قاراستىرىلدى.
مەملەكەت باسشىسى قاسىم-جومارت توقايەۆ قاۋىپسىزدىك كەڭەسىنىڭ شۇعىل جيىنىن وتكىزدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
اقوردادا مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ شۇعىل جيىنى ءوتتى. وندا ۋكرايناداعى جاعدايلارعا بايلانىستى قازاقستاننىڭ ودان ءارى الەۋمەتتىك-ەكونوميكالىق دامۋ ماسەلەلەرى قاراستىرىلدى.
پرەزيدەنت پرەمەر-مينيستر ءاليحان سمايىلوۆتىڭ، ۇلتتىق بانك ءتوراعاسى عالىمجان ءپىرماتوۆتىڭ، پرەمەر-مينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ، قورعانىس ءمينيسترى رۋسلان جاقسىلىقوۆتىڭ جانە باسقا دا ۆەدومستۆو باسشىلارىنىڭ باياندامالارىن تىڭدادى.
قاسىم-جومارت توقايەۆ اسكەري-ساياسي جانە سانكسيالىق تەكەتىرەستەردىڭ ناتيجەسىندە ۋشىعۋى مۇمكىن حالىقارالىق احۋالعا شۇعىل ارەكەت ەتۋ ءۇشىن داعدارىسقا قارسى جەدەل شارالار جوسپارىن قابىلداۋ قاجەت ەكەنىن ايتتى.
مەملەكەت باسشىسى ىقتيمال ەكونوميكالىق ءقاۋىپ پەن وزگە دە قاتەرلەردىڭ الدىن الۋ جونىندە ءبىرقاتار ناقتى تاپسىرما بەردى.