قازاقستاندىق تەاتر ءسوليسى حالىقارالىق بايقاۋ جەڭىمپازى اتاندى

ازامات جىلتىركوزوۆ حالىقارالىق بايقاۋدىڭ جەڭىمپازى اتاندى.

بەلگىلى وپەرا ءانشىسى، قازاقستاننىڭ ەڭبەك سىڭىرگەن قايراتكەرى، حالىقارالىق بايقاۋلاردىڭ لاۋرەاتى، روزا باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىنىڭ «كلاسسيكالىق ونەر» ءبولىمىنىڭ كوركەمدىك جەتەكشىسى، «استانا وپەرا» مەملەكەتتىك وپەرا جانە بالەت تەاترىنىڭ ءسوليسى ازامات جىلتىركوزوۆ كلاسسيكالىق ونەر سالاسىنداعى «BraVo» حالىقارالىق كاسىبي مۋزىكالىق بايقاۋدىڭ لاۋرەاتى اتاندى، دەپ حابارلايدى Almaty-akshamy.kz Egemen.kz-كە سىلتەمە جاساپ. 

جەڭىمپازداردى ماراپاتتاۋ ءراسىمى الەمگە تانىمال جانە الدىڭعى قاتارلى مۋزىكالى مادەنيەتتىڭ ەڭ ءىرى وشاعى رەسەيدىڭ ۇلكەن تەاترى ساحناسىندا ءوتتى.

مادەنيەت جانە سپورت مينيسترلىگىنىڭ قولداۋىمەن ازامات قايرات ۇلى ماسكەۋ قالاسىندا وتكەن حالىقارالىق بايقاۋدا كلاسسيكالىق ونەر جانرى نوميناسياسى بويىنشا ۇزدىكتەر قاتارىنا قوسىلدى. قازىلار القاسىنىڭ جوعارى باعاسىنا يە بولعان ونەر يەسى بۇعان دەيىن دە بىرنەشە رەت رەسپۋبليكالىق جانە حالىقارالىق بايقاۋلاردا جۇلدەلى ورىندارعا يە بولىپ كەلەدى.

«Bravo» حالىقارالىق كاسىبي مۋزىكالىق سىيلىعى رەسەي فەدەراسياسىنىڭ مادەنيەت مينيسترلىگىنىڭ اقپاراتتىق قولداۋىمەن جىل سايىن وتەدى