ورمان قىزمەتكەرلەرىنىڭ جالاقىسى ەكى ەسە وسەدى

ايلىق 1 شىلدەدەن باستاپ كوبەيەدى.

1 شىلدەدەن باستاپ ورمان جانە تابيعات قورعاۋ مەكەمەلەرى قىزمەتكەرلەرىنىڭ جالاقىسى 100 پايىزعا وسەدى، دەپ حابارلايدى Almaty-akshamy.kz

سونىمەن بىرگە ەكولوگيا جانە تابيعي رەسۋرستار مينيسترلىگى ورمان شارۋاشىلىعى قىزمەتكەرلەرىنىڭ جۇمىس بەرۋشىلەرى مەن كاسىپوداقتارىنىڭ وكىلدەرىمەن بىرلەسىپ، 2025 جىلعا دەيىن قوسالقى پەرسونال مەن تابيعات قورعاۋ ۇيىمدارىنىڭ شتاتتان تىس قىزمەتكەرلەرىنىڭ جالاقىسىن ەكى ەسەگە كوبەيتۋ بويىنشا شەشىم قابىلدادى (2023 جىلعى 1 شىلدەدەن باستاپ 70% - عا، 2024 جىلعى 1 قاڭتاردان باستاپ 85% - عا جانە 2025 جىلعى 1 قاڭتاردان باستاپ 100% - عا).

وسىلايشا قارجى، ۇيىمداستىرۋ جانە وندىرىستىك-شارۋاشىلىق بولىمدەرىنىڭ قىزمەتكەرلەرىنىڭ، جۇرگىزۋشىلەردىڭ، تراكتوريستەردىڭ، وندىرىستىك جانە اكىمشىلىك ءۇي-جايلاردى تازالاۋشىلاردىڭ جانە ورماندى قالپىنا كەلتىرۋ، ورمان قورعاۋ جانە ورمان شارۋاشىلىعى جۇمىستارىمەن اينالىساتىن ۋاقىتشا جانە ماۋسىمدىق جۇمىسشىلاردىڭ جالاقىلارى وسەدى.

جالاقى كوتەرۋ ماسەلەسى ادامنىڭ دەنساۋلىعى مەن ومىرىنە زيان كەلتىرۋ قاۋپىمەن بايلانىستى جۇمىسكەرلەرگە، ياعني مەملەكەتتىك ورمان كۇزەتى قىزمەتى، تابيعات قورعاۋ مەكەمەلەرىنىڭ مەملەكەتتىك ينسپەكتورلارى جانە جانۋارلار دۇنيەسىن قورعاۋ جونىندەگى مامانداندىرىلعان ۇيىمداردىڭ ينسپەكتورلارىنا تاعايىندالعان بولاتىن.