سپيكەر ءقازىر الەمدە ەكسپورت بويىنشا بولىپ جاتقان ءىرى ۇردىستەرگە توقتالدى. كومپانيانىڭ باس ديرەكتورى اتاپ وتكەندەي، بۇل –ەڭ الدىمەن، سيفرلىق پلاتفورمالارعا كوشۋ.
«قازاقستاندىق كومپانيالاردى حالىقارالىق ەلەكتروندىق پلاتفورمالارعا شىعارۋ – كومپانيانىڭ باستى باعىتى. بۇگىنگى تاڭدا ءبىز قازاقستاندىق تاۋارلاردى JD.com، Douyin، Europages، Alibaba.com. سىندى ءىرى ماركەتپلەيستەردىڭ ۇلتتىق پاۆيلوندارىندا ۇسىنامىز. بۇل الاڭدار بىزگە سيفرلىق شەشىمدەردى پايدالانا وتىرىپ، تاۋاردى شەكارا ارقىلى وتكىزبەي-اق ەكسپورتتى بەلسەندى تۇردە ىلگەرىلەتۋگە كومەك كورسەتەدى»، – دەدى ايتمۇحامەد الداجاروۆ.
ەكسپورتتى بەلسەندى دامىتۋعا مۇمكىندىك بەرەتىن كەلەسى قۇرال – ساۋدا-ەكونوميكالىق ميسسيالاردى وتكىزۋ. جىل باسىنان بەرى ءتورت ساۋدا-ەكونوميكالىق ميسسيا وتكىزىلدى.
«قۇنى 348 ملن دوللارعا تەڭ قۇجاتتارعا قول قويىلدى، 350-دەن استام كومپانيا ەكسپورتتى دامىتۋعا قاتىستى. ءبىز ودان ءارى مونيتورينگ جۇرگىزىپ، كومپانيالارىمىزعا وسى ۋاعدالاستىقتاردىڭ سەنىمدى كەلىسىمشارتتارعا اينالۋىنا كومەكتەسەمىز»، – دەپ اتاپ ءوتتى سپيكەر.
كومپانيا ەكسپورتتاۋشىلارمەن تۇراقتى كەزدەسۋلەر مەن دوڭگەلەك ۇستەلدەر وتكىزەدى.
«بۇگىنگى تاڭدا كومپانيا ءبىزدىڭ ەكسپورتتاۋشىلار ۋاقىتىلى اقپارات الۋى ءۇشىن سايتتى، پلاتفورمانى جاڭارتۋ بويىنشا جۇمىس جۇرگىزدى. سايتتان ساۋدا-ەكونوميكالىق قىزمەت تۋرالى بارلىق ستاتيستيكا مەن اقپاراتتى تابا الاسىز»، – دەپ قوستى سپيكەر.