قازاقستان مەن گونكونگ كولىك ىنتىماقتاستىعىن نىعايتۋدا: جاڭا جولاۋشىلار رەيستەرى مەن جۇك تاسىمالى جوسپارلانۋدا
مەملەكەت باسشىسىنىڭ حالىقارالىق اۋە حابتارىن دامىتۋ جانە ىشكى اۋەجايلار ارقىلى جۇك تاسىمالداۋ كولەمىن ۇلعايتۋ جونىندەگى تاپسىرماسىن ورىنداۋ اياسىندا قازاقستان رەسپۋبليكاسى كولىك ۆيسە-مينيسترى تالعات لاستايەۆ باستاعان قازاقستاندىق دەلەگاسيا گونكونگ حالىقارالىق اۋەجايىندا جۇمىس ساپارىمەن بولدى، دەپ حابارلايدى aqshamnews.kz.
ايتا كەتەيىك، گونكونگ حالىقارالىق اۋەجايى سوڭعى 14 جىل بويى جۇك اينالىمى بويىنشا الەمدەگى جەتەكشى اۋەجاي سانالىپ كەلەدى. 2024 جىلى بۇل كورسەتكىش 4،9 ملن تونناعا جەتكەن.
ساپار بارىسىندا قازاقستاندىق دەلەگاسيا گونكونگ كولىك-لوگيستيكالىق بيۋروسى ديرەكتورىنىڭ ورىنباسارى كەلۆين مامەنمەن، گونكونگ اۋەجايىنىڭ باس ديرەكتورى ۆيۆەن چەنگپەن جانە ءوڭىردىڭ جەتەكشى اۋە كومپانيالارى – Hong Kong Airlines، Cathay Pacific جانە Hong Kong Air Cargo باسشىلارىمەن كەزدەستى.
كەلىسسوزدەر بارىسىندا گونكونگ اۋە تاسىمالداۋشىلارىنىڭ 5ء-شى اۋە ەركىندىگىن پايدالانا وتىرىپ، الماتى مەن استانا قالالارىنا جولاۋشىلار رەيستەرىن اشۋ جانە قازاقستان مەن گونكونگ اراسىنداعى جۇك تاسىمالدارىن ارتتىرۋ ماسەلەلەرى تالقىلاندى. بۇل باستامالار ەكى ەل اراسىنداعى كولىك-لوگيستيكالىق ىنتىماقتاستىقتى ودان ءارى تەرەڭدەتۋگە باعىتتالعان.