ICPC حالىقارالىق ستۋدەنتتىك وليمپياداسى 1977 جىلدان باستاپ جىل سايىن وتكىزىلىپ كەلەدى
قازاقستاندىق ستۋدەنتتەر باعدارلامالاۋ بويىنشا وتكەن حالىقارالىق وليمپيادادا ۇزدىك 30 توپتىڭ قاراتىنا ەندى. بۇل تۋرالى Almaty-akshamy.kz ءتىلشىسى عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
مينيسترلىك مالىمەتىنشە، ەل ستۋدەنتتەرى داككادا (بانگلادەش) وتكەن حالىقارالىق وليمپيادادا 130 ۋنيۆەرسيتەتتىڭ ىشىنەن ۇزدىك 30 توپتىڭ قاتارىنا كىرگەن.
«ءبىزدىڭ ستۋدەنتتەر ەڭ ءىرى ستۋدەنتتىك IT وليمپيادادا تاماشا ناتيجەلەر كورسەتتى. قازاقستاندىقتار الەمدەگى ەڭ مىقتى 30 كوماندانىڭ قاتارىنا ەندى. قاتىسۋشىلارىمىزدى جوعارى كورسەتكىشتەرىمەن قۇتتىقتايمىن. كەلەسى جىلى قازاقستاندىق ستۋدەنتتەر جاڭا بيىكتەردى باعىندىرا الاتىنىنا سەنىمدىمىن. ال ءبىز عىلىم جانە جوعارى ءبىلىم مينيسترلىگى رەتىندە بولاشاق چەمپيوندارعا جاعداي جاساۋ ءۇشىن بار كۇشىمىزدى سالامىز»، - دەپ اتاپ ءوتتى عىلىم جانە جوعارى ءبىلىم ءمينيسترى ساياسات نۇربەك.
ايتا كەتەيىك، ICPC حالىقارالىق ستۋدەنتتىك وليمپياداسى 1977 جىلدان باستاپ جىل سايىن وتكىزىلىپ كەلەدى. وليمپيادا كوماندالىق فورماتتا وتەدى. وعان ءبىر وقۋ ورنىنان ءۇش ستۋدەنتتەن تۇراتىن جالعىز كوماندا قاتىسادى.