قىزىل جالىن 1،5 مىڭ شارشى مەتر اۋماقتى شارپىدى
الماتى بازارىنداعى ءورت كەزىندە 4 كاسىپكەردىڭ مۇلكى ءبۇلىندى. جەرگىلىكتى كاسىپكەرلەر پالاتاسى ورتتەن زارداپ شەككەن بيزنەسكە قور اشۋعا دايىن. بۇل تۋرالى «اتامەكەن» ۇكپ قوعاممەن بايلانىس دەپارتامەنتىنەن ءمالىم ەتتى، دەپ حابارلايدى Almaty-akshamy.kz.
پالاتانىڭ مالىمەتىنشە، بازارداعى ءورت كەزىندە 4 كاسىپكەردىڭ تاۋارلارى، اتاپ ايتقاندا جاڭا جىلعا ارنالعان شىرشالار، گيرلياندىلار، كوسمەتيكا، 8 ناۋرىزعا ارنالعان سىيلىقتار مەن ويىنشىقتار بۇلىنگەن.
الماتى قالاسىنىڭ وكپ قىزمەتكەرلەرى كاسىپكەرلەرمەن ۇنەمى بايلانىستا، زالال سوماسى بەلگىلەنىپ جاتىر. وكپ ديرەكتورى ايتۋار قوشمامبەتوۆتىڭ ايتۋىنشا ءورت ەلەكتر سىمدارىنىڭ قىسقا تۇيىقتالۋىنان بولعان.
«ەگەر بيزنەسكە كونسۋلتاسيالار، ساقتاندىرۋ تولەمدەرى، جالعا بەرۋشىلەرمەن كەلىسسوزدەر جۇرگىزۋ بويىنشا قانداي دا ءبىر كومەك قاجەت بولسا، ءبىزدىڭ ماماندار بۇل جۇمىسقا قوسىلۋعا، قىزمەتكەرلەردىڭ قۇقىقتارىن قورعاۋ بولىگىندە قۇقىقتىق، قارجىلىق سيپاتتاعى كونسۋلتاسيالار بەرۋگە دايىن. قاجەت بولسا، ءبىز قاراجات جيناۋعا دايىنبىز»، - دەيدى ول.
ەسكە سالساق، بۇگىن الماتىداعى «باراحولكا» ورتەندى.
الماتى قالالىق توتەنشە جاعدايلار دەپارتامەنتىنىڭ حابارلاۋىنشا، كۇردەلى ءورت 1 ساعات 9 مينۋت ىشىندە ءسوندىرىلدى. قىزىل جالىن 1،5 مىڭ شارشى مەتر اۋماقتى شارپىدى.