قازاقستاننىڭ ستۋدەنتتىك اۆتوموبيل جاساۋشى ينجەنەرلەر كومانداسى يندونەزيادا بەدەلدى ماراپاتقا يە بولدى.
بۇل تۋرالى ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
«ءبىزدىڭ ستۋدەنتتىك «SU Racing Team» كومانداسى Shell Eco Marathon Asia-Pacific and the Middle East 2023 حالىقارالىق ستۋدەنتتىك ينجەنەرلىك كوماندالار بىرىنشىلىگىندە جوعارى مارتەبەگە يە بولدى. ەنەرگيا ۇنەمدەيتىن كولىكتەر جارىسىنا قاتىسۋعا تەك ۋنيۆەرسيتەت ستۋدەنتتەرى ازىرلەپ، قۇراستىرعان جانە وزدەرى باسقاراتىن كولىكتەرگە عانا رۇقسات ەتىلەدى»،-دەيدى SU Racing تeam» كومانداسىنىڭ كاپيتانى الىبەك يبرايم.
ونىڭ سوزىنشە، جارىسقا ازيا-تىنىق مۇحيتى ايماعى مەن تاياۋ شىعىس ەلدەرىنەن 80-نەن استام ۋنيۆەرسيتەت كومانداسى قاتىستى. قازاقستاندىق ستۋدەنتتەر 1 كۆت/ساع ەلەكتر باتارەيالى ەنەرگيامەن 261،1 كم جول جۇرگەن مودۋلدىك بولشەكتەلەتىن اۆتوكولىك قۇراستىردى.
«SU Racing Team» كومانداسىنىڭ جۇڭگو، فيليپپين، يندونەزيادان كەلگەن كوماندالارعا تەجەۋ مەحانيزمىن ورناتۋ، رەتتەۋ جانە تەحنيكالىق تەكسەرۋدەن وتۋگە كومەكتەسۋىنىڭ ناتيجەسىندە «SU Racing Team» كومانداسى Spirit of Shell Eco-marathon Award Winner جۇلدەسىمەن ماراپاتتالدى – بۇل جارىسقا قاتىسقان كوماندالاردىڭ بىر-بىرىنە ءوزارا كومەك كورسەتكەنى ءۇشىن بەرىلەتىن ناگرادا. قازاقستاننان بارعان ستۋدەنتتەردىڭ ارقاسىندا جوعارىدا اتالعان ەلدەردىڭ كوماندالارى تەحنيكالىق بايقاۋدان ءوتىپ، جارىسقا قاتىسۋدى جالعاستىرا الدى، ءسويتىپ جارىس جولىنا شىقتى.
– سوڭعى ءۇش كۇن ءۇمىت پەن ۇرەيگە تولى بولدى، الەمنىڭ تۇكپىر-تۇكپىرىنەن ەڭ مىقتى كوماندالار جينالدى، ولار – تەحنولوگيانى ازىرلەۋ، ساتىپ الۋ جانە پايدالانۋ ءۇشىن «كوسموستىق» قارجى جۇمساعان ەڭ كۇشتى كوماندالار. از عانا ۋاقىت ىشىندە ءبىز ناعىز سەنىمدى ماشينا قۇراستىرا العانىمىزعا جانە ءادىل قازىلار كوپتەگەن قاتىسۋشىلار اراسىنان ءبىزدىڭ كوماندانىڭ جۇمىسىنا جوعارى باعا بەرگەنىنە مەن وتە قۋانىشتىمىن»، – دەدى «SU Racing تeam» كومانداسىنىڭ كاپيتانى الىبەك يبرايم.