الماتىدا مما بويىنشا Octagon 34 تۋرنيرىندە قازاقستان مەن وزبەكستان اراسىنداعى ەكىنشى كەزدەسۋ ءوتتى، دەپ حابارلايدى Almaty-akshamy.kz inform.kz-كە سىلتەمە جاساپ.
قازاقستاندىق الىشەر عازيز (1-0) وزبەكستان سپورتشىسى اسيلبەك يناموۆپەن (1-0) بەلدەستى.
بۇل جەكپە-جەك جەڭىل سالماق دارەجەسىندە ءوتتى جانە ءۇش راۋندقا جوسپارلانعان بولاتىن. ول ءعازيزدىڭ ەكىنشى راۋندتا جەڭىسكە جەتۋىمەن اياقتالدى.
وسىلايشا، الىشەر عازيز كاسىپقوي مانسابىنداعى ەكىنشى جەكپە-جەگىندە جەڭىسكە جەتسە، اسيلبەك يناموۆ ءۇشىن بۇل جەڭىلىس ءبىرىنشى بولدى.
ەسكە سالايىق، وسىعان دەيىن Octagon 34 تۋرنيرىندە قازاقستاندىق ەۆگەنيي سۋرين (1-1) مەن وزبەكستاندىق دونيەر ياكۋبجونوۆ (3-3) اراسىندا جەكپە-جەك ءوتىپ، وندا ياكۋبجونوۆ قارسىلاسىن ەكىنشى راۋندتا تۇنشىقتىرىپ جەڭگەن بولاتىن.