الماتى قالاسىنىڭ تجد قالا تۇرعىندارىن جىلىتۋ قۇرالدارى مەن گاز باللوندارىنىڭ جۇمىسىن قاداعالاۋعا شاقىرادى
كۇن سۋىعان كەزدە ءورت جانە گاز يىسىنەن ۋلانۋ جاعدايلارى جيىلەي تۇسەدى. جۇرگىزىلىپ جاتقان پروفيلاكتيكالىق شارالارعا قاراماستان، مۇنداي جاعدايلار، وكىنىشكە قاراي، جىلدان-جىلعا قايتالانىپ كەلەدى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى تجد مەملەكەتتىك ءورت باقىلاۋ باسقارماسىنىڭ باسشىسى ەربولات تورتقارايەۆ ايتتى، دەپ حابارلايدى اlmaty-akshamy.kz.
تجد مالىمەتى بويىنشا، جىل باسىنان بەرى الماتى قالاسىنىڭ اۋماعىندا ءورت سانىنىڭ وتكەن جىلمەن سالىستىرعاندا 11%-عا ازايعانى بايقالعان. مىسالى، بيىل 663 ءورت وقيعاسى تىركەلگەن، ونىڭ ىشىندە 150 ادام قۇتقارىلدى، ءقاۋىپتى ايماقتاردان 651 ادام ەۆاكۋاسيالاندى، سونىمەن قاتار، 2 ملرد تەڭگەدەن استام سومانىڭ مۇلكىن قۇتقارۋ مۇمكىن بولدى.
سپيكەر ءورتتىڭ نەگىزگى كولەمى (54%، نەمەسە 342 جاعداي) جەكە سەكتوردا بولاتىنىن اتاپ ءوتتى. سونىمەن بىرگە، ول ءورتتىڭ جەكە سەكتوردا شىعۋىنىڭ نەگىزگى سەبەپتەرىن ءتىزىپ بەردى:
- ەلەكتر قۇرالدارىن پايدالانۋ مەن مونتاجداۋ ەرەجەلەرىن بۇزۋ – 188 جاڭداي نەمەسە 55%؛
- وتپەن ويناۋ (وتقا بايقاۋسىز، ابايسىز قاراۋ) – 62 جاعداي نەمەسە 18%؛
- پەشتەردى پايدالانۋ كەزىندە ءورت قاۋىپسىزدىگى ەرەجەلەرىن بۇزۋ – 38 جاعداي نەمەسە 11%؛
- ءورتتىڭ باسقا سەبەپتەرى – 34 جاعداي، ءورت قويۋ – 20 جاعداي.
«ءبىز قايعىلى جاعدايلارعا قاتىستى تالداۋ جۇرگىزدىك، ونىڭ ناتيجەسىندە كوپتەگەن ءورت وقيعالارى مەن ادامداردىڭ گاز يىسىنەن ۋلانۋى زارداپ شەگۋشىلەردىڭ جىلىتۋ اسپاپتارى مەن گاز قۇرالدارىنىڭ پايدالانۋ كەزىندە نەمقۇرايلىعىنان بولىپ جاتادى. الماتى قالاسى بويىنشا قاتتى وتىنمەن جىلىتىلاتىن 2791 ءۇي ەسەپكە الىندى، ءورت كەزىندە جانعان ازىق-تۇلىكتەن 10 ادام ۋلاندى (4 وقيعا)»، - دەپ تولىقتىردى ە.تورتقارايەۆ.
ونىڭ ايتۋىنشا، تۇرعىندار ءتۇتىن شىعاتىن مۇرجالاردىڭ بىتەلىپ قالۋ جاعدايلارىن تەكسەرمەيدى، ءتۇتىن شىعاتىن مۇرجالاردى دۇرىس بايلانىستىرمايدى. گاز پليتالارىن دا قاراۋسىز قالدىرعان تۇرعىندار دا كەزدەسكەن جاعدايلار بولعان. قايعىلى جاعدايلار گاز قۇرىلعىسىن دۇرىس قولدانباعاننان، گاز شىعىپ تۇرۋدان، سونىمەن قاتار، رەزينا شلانگىسىنىڭ توزۋىنان جانە گاز باللوندارىن دۇرىس ساقتاماۋدان بولادى.
«گاز باللوندارى مەن گاز قۇرىلعىلارىن تەك وسى ونىمدەردى ساتۋعا ارنالعان سەرتيفيكاتتارى بار ارنايى ۇيىمداردان الۋعا شاقىرامىز. جانار-جاعارماي جانە گاز قۇيۋ بەكەتتەرىندە باللوننىڭ شامادان تىس تولۋىن بولدىرماۋ ءۇشىن، ونىڭ سالماعى ولشەنبەيدى. گاز قۇرىلعىلارىن، سونىڭ ىشىندە گاز باللوندارىن بوگدە ادامداردان ساتىپ الماڭىزدار. گاز قۇرىلعىسىن ماماندار قىزمەتىنە جۇگىنە وتىرىپ، تەكسەرىڭىزدەر. جەلدەتكىش كانالداردىڭ دۇرىستىعىن باقىلاڭىز، ءۇي-جايدى ۇنەمى جەلدەتىپ وتىرىڭىزدار، اسىرەسە، ۇيىقتار الدىندا»، - دەپ ەسكە سالدى سپيكەر.
2022-2023 جج. جىلىتۋ ماۋسىمىندا ءورتتى جانە ادامداردىڭ زارداپ شەگۋىن بولدىرماۋ ماقساتىندا الماتى قالاسى تجد كەلەسى ەرەجەلەردى ساقتاۋعا كەڭەس بەرەدى:
- گاز قۇرالدارىن پايدالانۋ كەزىندە قاۋىپسىزدىك شارالارىن ساقتاۋ؛
- جىلىتۋ پەشتەرى مەن گاز قۇرىلعىلارىنىڭ جانىنا جيھاز نەمەسە باسقا دا جاناتىن زاتتاردى جاقىن قويماۋ، سونداي-اق، كيىم مەن وتىنداردى كەپتىرمەۋ؛
- دۇرىس جۇمىس ىستەمەيتىن، بۇزىلىپ تۇرعان ەلەكتر روزەتكالارىن، ەلەكتر اسپاپتارىن پايدالانباۋ؛
- ەلەكتر پليتالار، ۇتىكتەر، ەلەكتر شاينەكتەر جانە كەروسين اسپاپتارىن جانبايتىن جەرگە قويۋ؛
- پەش كونسترۋكسياسىنداعى جارىقتار مەن كەتىكتەردى سىلاۋ، مۇرجالاردى كۇيەدەن تازارتۋ؛
- ءاربىر پەشتىڭ جاعاتىن ەسىگىنىڭ الدىنا كولەمى كەمىندە 50ح70 سم بولاتىن قاڭىلتىر شەگەلەپ قويۋ.