دۇنيەجۇزىلىك ويىندار ءار ەكى جىل سايىن وتەدى
ۆيللي-رەال-دە-سانتو-انتونيو (پورتۋگاليا) قالاسىندا IWAS-2022 دۇنيەجۇزىلىك ويىندار اياقتالدى. جارىسقا 34 ەلدەن 500 سپورتشى قاتىستى. بۇل تۋرالى Almaty-akshamy.kz دەنە مۇمكىندىگى شەكتەۋلى تۇلعالارعا ارنالعان سپورتتىق دايارلاۋ ورتالىعىنا سىلتەمە جاساپ حابارلايدى.
قازاقستان اتىنان سپورتتىڭ ءۇش تۇرىنەن: پاراجەڭىل اتلەتيكا، ءپاراجۇزۋ جانە پاراپاۋەرليفتينگتەن 27 سپورتشى قاتىستى. ناتيجەسىندە پاراسپورتشىلارىمىز جارىستا 14 التىن، 20 كۇمىس جانە 20 قولا مەدال جەڭىپ الدى.
IWAS ويىندارى – بۇل مۇگەدەكتەر ارباسىنا تاڭىلعان جانە امپۋتاسيا جاسالعان جاندارعا ارنالعان حالىقارالىق سپورت. دۇنيەجۇزىلىك ويىندار ءار ەكى جىل سايىن وتەدى. IWAS ۇيىمىنا 73 مەملەكەت كىرەدى.