ساعات 19:00-دەگى جاعداي بويىنشا، قازاقستاننىڭ بەس وڭىرىندە اۋا تەمپەراتۋراسىنىڭ تومەندەۋىنە بايلانىستى جول قوزعالىسىنا شەكتەۋ ەنگىزىلدى، دەپ حابارلايدى Almaty-akshamy.kz «قازاۆتوجول» ۇك» اق باسپا ءسوز قىزمەتىنە سىلتەمە جاساپ.
شىعىس قازاقستان وبلىسىندا اۋا تەمپەراتۋراسىنىڭ تومەندەۋىنە بايلانىستى (-32ºس) رەيستىك جولاۋشىلار اۆتوبۋسى مەن ديزەلدىك وتىنمەن جۇرەتىن اۆتوكولىكتەر ءۇشىن شەكتەۋ ەنگىزىلدى.
اباي وبلىسىندا اۋا تەمپەراتۋراسىنىڭ تومەندەۋىنە بايلانىستى (-32ºس) رەيستىك جولاۋشىلار اۆتوبۋسى مەن ديزەلدىك وتىنمەن جۇرەتىن اۆتوكولىكتەر ءۇشىن جول قوزعالىسى شەكتەلدى.
جەتىسۋ وبلىسىندا اۋا تەمپەراتۋراسىنىڭ تومەندەۋىنە بايلانىستى «الماتى-وسكەمەن» تاس جولىنىڭ 558-615 شاقىرىمىندا ءۇشارال قالاسىنان اباي وبلىسىنىڭ شەكاراسىنا دەيىنگى ۋچاسكەسىندە رەيستىك جولاۋشىلار اۆتوبۋسى مەن ديزەلدىك وتىنمەن جۇرەتىن اۆتوكولىكتەر ءۇشىن جول جابىلدى.
پاۆلودار وبلىسىندا اباي وبلىسىندا اۋا تەمپەراتۋراسىنىڭ تومەندەۋىنە بايلانىستى «ومبى-مايقاپشاعاي» تاسجولىنىڭ 426-587 شاقىرىمىندا پاۆلودار قالاسىنان اباي وبلىسىنىڭ شەكاراسىنا دەيىنگى ۋچاسكەسىندە رەيستىك جولاۋشىلار اۆتوبۋسى مەن ديزەلدىك وتىنمەن جۇرەتىن اۆتوكولىكتەرگە جولعا شىعۋعا تىيىم سالىندى.
قاراعاندى وبلىسىندا «قاراعاندى-اياگوز-بۇعاز» تاسجولىنىڭ 249-320 شاقىرىمىندا بۇركىتتى كەنتىنەن اباي وبلىسى اۋدانىنىڭ شەكاراسىنا دەيىنگى اۋماقتا رەيستىك جولاۋشىلار اۆتوبۋسى مەن ديزەلدىك وتىنمەن جۇرەتىن اۆتوكولىكتەر ءۇشىن قوزعالىسقا شەكتەۋ ەنگىزىلدى.